မကြာခဏ မေးမြန်းခံရလေ့ရှိသော မေးခွန်းများ

၂၂.၀၃.၂၀၂၃

မူလ စာရွက်စာတမ်း

English, Frequently Asked Questions (FAQ)

သင့်အနေဖြင့် ကျွန်ုပ်တို့အား ရှင်းလင်းဖြေကြားစေလိုသည့် အခြားမေးခွန်းများ ရှိပါသလား။ ရှိပါက ကျေးဇူးပြု၍ ကျွန်ုပ်တို့အား အသိပေးပါ

OONI အကြောင်း

OONI ဆိုတာ ဘာလဲ။

Open Observatory of Network Interference (OONI) သည် အခမဲ့ ဆော့ဖ်ဝဲစီမံကိန်းတစ်ခုဖြစ်၍ ကမ္ဘာတစ်ဝှမ်းရှိ အင်တာနက် ဆင်ဆာဖြတ်တောက်မှုများကို ပွင့်လင်းမြင်သာမှုတိုးမြှင့်စေရေးအတွက် ဗဟိုချုပ်ကိုင်မှုလျော့နည်းသော အားထုတ်ဆောင်ရွက်မှုများအပေါ် လုပ်ပိုင်ခွင့်အာဏာပေးအပ်နိုင်ရန် ရည်ရွယ်ပါသည်။

၂၀၁၂ ခုနှစ်မှစတင်ကာ ကမ္ဘာတစ်လွှားရှိ အင်တာနက် ဆင်ဆာဖြတ်တောက်မှုနှင့်ပတ်သက်၍ OONI သည် အင်တာနက်ဆင်ဆာဖြတ်တောက်မှု တိုင်းတာရေး အပလီကေးရှင်း (OONI Probe) အချို့ကို အသုံးပြုခွင့်ပေးခဲ့သည့်အပြင် ကွန်ရက်တိုင်းတာမှု သန်းပေါင်းတစ်ထောင်ကျော် (၁ ဘီလီယံကျော်) ကို အများပြည်သူသိရှိစေရန် ထုတ်ပြန်ခဲ့ပြီး ဖြစ်ပါသည်။

OONI ဘာကြောင့် လိုအပ်တာလဲ။

အများပြည်သူအနေဖြင့် ကျွန်ုပ်တို့၏ အခမဲ့ ဆော့ဖ်ဝဲအပလီကေးရှင်းများ, open methodologies နှင့် open data ကို အသုံးပြု၍ ကျွန်ုပ်တို့၏ စစ်ဆေးတွေ့ရှိမှုများကို ထပ်မံအတည်ပြုခြင်း၊ ကျွန်ုပ်တို့၏ လေ့လာတွေ့ရှိမှုများအပေါ်အခြေခံ၍ ထပ်မံဖော်ထုတ်ခြင်းနှင့် မိမိတို့နိုင်ငံရှိ အင်တာနက်ဆင်ဆာဖြတ်တောက်မှုကို စုံစမ်းဖော်ထုတ်ခြင်း စသည်တို့ကို လုပ်ဆောင်နိုင်ပါသည်။ open data

ကျွန်ုပ်တို့သည် သတင်းအချက်အလက်ထိန်းချုပ်မှုဆိုင်ရာ အများပြည်သူပါဝင်သည့် ဆွေးနွေးငြင်းခုံမှု၊ သက်သေအခြေပြု သတင်းပို့အစီရင်ခံမှုနှင့်စည်းရုံးရေးကို ပံ့ပိုးကူညီရန် OONI အား ဖန်တီးခဲ့ခြင်းဖြစ်ပါသည်။

OONI ရဲ့ လုပ်ဆောင်မှုက ဘာလဲ။

ကမ္ဘာတစ်ဝှမ်းရှိ အင်တာနက် ဆင်ဆာဖြတ်တောက်မှုများကို ပွင့်လင်းမြင်သာမှု တိုးမြှင့်စေရေးအတွက် ဗဟိုချုပ်ကိုင်မှုလျော့နည်းသော အားထုတ်ဆောင်ရွက်မှုများအပေါ် လုပ်ပိုင်ခွင့်အာဏာပေးအပ်နိုင်ရန်အတွက် ကျွန်ုပ်တို့သည် -

အင်တာနက်ဆင်ဆာဖြတ်တောက်ခံရမှုများကို စုံစမ်းစစ်ဆေးနိုင်မည့် ပွင့်လင်း၊ အခမဲ့ရင်းမြစ်ဆော့ဖ်ဝဲများကို တည်ဆောက်ပေးလျက်ရှိသည်။ OONI Probe သည် အင်တာနက်ဆင်ဆာဖြတ်တောက်မှု ပုံစံအမျိုးမျိုး၊ ကွန်ရက်အမြန်နှုန်းနှင့် စွမ်းဆောင်ရည်တို့ကို တိုင်းတာနိုင်သည့် ကွန်ရက်တိုင်းတာမှုတစ်ခု ဖြစ်သည်။
ကွန်ရက်တိုင်းတာမှုများကို ခွဲခြမ်းစိတ်ဖြာ၍ အများပြည်သူသိရှိစေရန် ထုတ်ပြန်ပေးလျက်ရှိသည်။ ၂၀၁၂ ခုနှစ်မှစတင်၍ ယနေ့အထိ နိုင်ငံပေါင်း (၂၀၀) ကျော်မှ ကွန်ရက်တိုင်းတာမှု သန်းပေါင်းတစ်ထောင်ကျော် (၁ ဘီလီယံကျော်) ကို လက်ခံစစ်ဆေးပေးသည့် ဝဘ်ဆိုက်တစ်ခုဖြစ်သော OONI Explorer မှနေ၍ တိုင်းတာမှုများကို အများပြည်သူသိရှိစေရန် နေ့စဥ် ထုတ်ပြန်ထားပါသည်။
**ကမ္ဘာတစ်လွှားရှိ အင်တာနက်ဆင်ဆာဖြတ်တောက်မှုဆိုင်ရာ သုတေသန အစီရင်ခံစာများကို အများပြည်သူသိရှိစေရန် ထုတ်ပြန်ပေးပါသည်။ ကမ္ဘာတစ်ဝှမ်းရှိ အင်တာနက်ဆင်ဆာဖြတ်တောက်မှု ဖြစ်ရပ်များကို မှတ်တမ်းတင်ထားသော ကျွန်ုပ်တို့၏ ဒေသတွင်း မိတ်ဖက်အဖွဲ့အစည်းများ နှင့်ပူးပေါင်းလျက်၊ OONI တိုင်းတာမှု၏ခွဲခြမ်းစိတ်ဖြာမှုအပေါ်အခြေခံ၍ သုတေသနအစီရင်ခံစာများ ကို မကြာခဏ ထုတ်ပြန်ပေးလျက်ရှိသည်။

အင်တာနက်ဆင်ဆာဖြတ်တောက်မှုကို ဘာကြောင့် တိုင်းတာရတာလဲ။

အင်တာနက်ဆင်ဆာဖြတ်တောက်မှုတွင် (လွတ်လပ်စွာဖော်ထုတ်ပြောဆိုပိုင်ခွင့်နှင့် သတင်းအချက်အလက် ရယူအသုံးပြုပိုင်ခွင့် စသည့်) အခြေခံ လူ့အခွင့်အရေးချိုးဖောက်မှုများ ပါဝင်နိုင်သည်။

သို့ရာတွင် ဝဘ်ဆိုက်များနှင့် အင်တာနက်ဝန်ဆောင်မှုများအား ရည်ရွယ်ချက်ရှိရှိ ပိတ်ဆို့မှုများကို ရှာဖွေဖော်ထုတ်ခြင်းသည် ရှုပ်ထွေးသည်။ ၎င်းကို အောက်ဖော်ပြပါ အချက်အလက်များအရ သိမြင်နိုင်ပါသည်။

၁။ **လူသိနည်းသော ဝဘ်ဆိုက်များနှင့် အင်တာနက်ဝန်ဆောင်မှုများ ပိတ်ဆို့ခံရခြင်းကို သတိပြုမိရန် ပိုမိုခက်ခဲသည်။ လူအများစု အသုံးပြုလေ့ရှိသော အင်တာနက်ဝန်ဆောင်မှုများအပေါ် သက်ရောက်သည့်အခါ သို့မဟုတ် အဆိုပါ ပိတ်ဆို့ခံရမှုများကို သတင်းမီဒီယာမှ ဖော်ပြသည့်အခါ၊ အင်တာနက်ဆင်ဆာဖြတ်တောက်မှုအား အလွယ်တကူ သတိပြုမိစေသည်။ ဥပမာ အီရန်နိုင်ငံတွင် ဘာသာရေးနှင့် တိုင်းရင်းသားလူနည်းစု ဝဘ်ဆိုက်များ ပိတ်ဆို့ခံရမှု ကို လူသိနည်းသည့်တိုင် တယ်လီ ဂရမ်နှင့် အင်စတာဂရမ် ပိတ်ဆို့ခံရမှု သည် မီဒီယာ၏ဖော်ပြမှု နှင့် နိုင်ငံတကာ၏အာရုံစိုက်မှုကို အတန်အသင့် ရရှိပါသည်။

၂။ နိုင်ငံတစ်ခုအတွင်းရှိ အင်တာနက်ကွန်ရက်များအကြား ဆင်ဆာဖြတ်တောက်ခံရမှုများသည် ပုံသဏ္ဍန်ကွဲပြားခြားနားလေ့ရှိသည်။ နိုင်ငံအများအပြားတွင် အင်တာနက်ဝန်ဆောင်မှုပေးသူများ (ISPs) သည် အစိုးရ၏ မရေရာမတိကျသော အမိန့်ထုတ်ပြန်ချက်များကြောင့် ဝဘ်ဆိုက်အမျိုးမျိုးသို့ ဝင်ရောက် ကြည့်ရှုရာလမ်းကြောင်းကို ပိတ်ဆို့ကြသည်။ ဝဘ်ဆိုက်တစ်ခုကို ကွန်ရက်တစ်ခုမှ ဝင်ရောက်နိုင်သော်လည်း အခြားကွန်ရက်တွင်ပိတ်ဆို့ခံထားရနိုင်သည်။

၃။ အင်တာနက်ဆင်ဆာဖြတ်တောက်မှု နည်းပညာအများစုသည် သိမ်မွေ့နက်နဲပါသည်။ အင်တာနက်ဝန်ဆောင်မှုပေးသူ (ISP) တစ်ဦးက ပိတ်ဆို့ခံထားရသည့် ဝဘ်ဆိုက်တစ်ခုအတွက် ဝန်ဆောင်မှုပေးရသည့်အခါ ၎င်းတို့က အဆိုပါဝက်ဘ်ဆိုက်သည် ရည်ရွယ်ချက်ရှိရှိ ဆင်ဆာဖြတ်တောက်ခံနေရကြောင်း အသုံးပြုသူထံ အသိပေးအကြောင်းကြားလေ့ရှိပြီး အဆိုပါအသိပေးမှုများတွင် ဥပဒေကြောင်းရာအရ လျော်ကန်သင့်မြတ်ကြောင်း ဖြေရှင်းချက်တစ်ရပ်လည်း ပါဝင်လေ့ရှိ သည်။ အချို့သော အင်တာနက်ဝန်ဆောင်မှုပေးသူများ (ISPs) ကမူ ပိတ်ဆို့ခံထားရသည့် blank ဝဘ်ဆိုက်များ ဆောင်ရွက်ခြင်းဖြင့် အသုံးပြုသူများအကြား အဆိုပါ ဝက်ဘ်ဆိုက်သည် ရည်ရွယ်ချက်ရှိရှိ ပိတ်ဆို့ခံရခြင်းလော သို့မဟုတ် (နည်းစနစ်ပိုင်းဆိုင်ရာ ချွတ်ယွင်းချက်စသည့်) အခြားအချက်များကြောင့် ဝင်ရောက်ကြည့်ရှု၍မရခြင်းလော စသည့် ဝေခွဲမရမှုကို ပေါ်ပေါက်စေသည်။ နိုင်ငံအများအပြားတွင်မူ ISPs များသည် ပိတ်ဆို့ထားသည့် ဝဘ်ဆိုက်တစ်ခုကို ဝန်ဆောင်မှုပေးလေ့ လုံးဝမရှိကြပါ။ အဆိုပါနည်းလမ်းအစား ISPs များသည် အင်တာနက်သုံးစွဲသူများအား အသိပေးခြင်း (သို့) ဆင်ဆာဖြတ်တောက်မှုအတွက် ဖြေရှင်းချက်ပေးခြင်းများ မပြုလုပ်ဘဲ၊ လုံးဝကွဲပြားခြားနားသည့် နည်းလမ်းများ (DNS tampering, TCP/IP blocking သို့မဟုတ် RST injection စသည့်) ဖြင့် ဝဘ်ဆိုက်များကို ပိတ်ဆို့ကြသည်။ ဤဖြစ်ရပ်များတွင် ဝက်ဆိုက်သည် ရည်ရွယ်ချက်ရှိရှိ ပိတ်ဆို့ခံရခြင်းလား သို့မဟုတ် (ကွန်ရက်ယာယီရပ်တန့်ခြင်း သို့မဟုတ် DNS ပျက်ယွင်းခြင်း စသည့်) အခြားအချက်များကြောင့် ဝင်ရောက်ကြည့်ရှု၍မရခြင်းလား ဟူသည့်အချက်ကို ဆုံးဖြတ်ရန် ပိုမိုခက်ခဲသည်။

၄။ အချို့သော ISPs များသည် ကွဲပြားသည့် နည်းစနစ်အမျိုးမျိုးကို ပေါင်းစပ်ကျင့်သုံးလေ့ရှိကြပါသည်။ သင်၏ ISP သည် ပိတ်ဆို့ထားသော အချို့ဝဘ်ဆိုက်များအပေါ် (ထိုဝက်ဘ်ဆိုက်များသည် ရည်ရွယ်ချက်ရှိရှိ ပိတ်ဆို့ခံနေရကြောင်း သင့်ကို အသိပေးလျက်) ဝန်ဆောင်မှုပေးနေစဉ်မှာပင်၊ ကွဲပြားသည့်နည်းစနစ်များ အသုံးပြု၍ အခြားဝဘ်ဆိုက်များကို ပိတ်ဆို့ကာ၊ အဆိုပါဝက်ဘ်ဆိုက်များ ပိတ်ဆို့ခံရခြင်းကို သင့်အနေဖြင့် အပြည့်အဝ သတိပြုမိခြင်းမရှိစေရန် ဖန်တီးထားသည်။ အချို့နိုင်ငံများတွင် ISPs များသည် တူညီသော ဝဘ်ဆိုက်များကိုပင် ကွဲပြားသည့် နည်းစနစ်အမျိုးမျိုး အသုံးပြုလျက် ပိတ်ဆို့နေသည်။.

၅။ အလွန်အကျွံပိတ်ဆို့ခြင်းနှင့် ဆက်စပ်ပျက်စီးဆုံးရှုံးမှုများ။ ဥပမာအားဖြင့် အင်ဒိုနီးရှားနိုင်ငံတွင် လွန်ခဲ့သည့် (၂) နှစ်ကျော်ကပင် Vimeo နှင့် Reddit သည် ၎င်းတို့အပေါ်တားမြစ်ထားမှုများ ရုပ်သိမ်းပြီး ဖြစ်သည့်တိုင် ဆက်လက်ပိတ်ဆို့ခံနေရကြောင်း တွေ့ရှိရသည်။ အီဂျစ်နိုင်ငံတွင် The New Arab ဟုခေါ်တွင်သည့် CDN တစ်ခုတည်းပေါ်ရှိ ဝဘ်ဆိုက်အများအပြားသည်လည်း ပိတ်ဆို့ခံခဲ့ရသည်။

၆။ ဝဘ်ဆိုက်တစ်ခု (သို့) အင်တာနက်ဝန်ဆောင်မှုတစ်ခုသို့ ဝင်ရောက်ကြည့်ရှုနိုင်ခြင်း မရှိသည့် ဖြစ်ရပ်တွင် သင်၏ ISP က ပိတ်ဆို့ထားသည်ဟု အမြဲကောက်ချက်ချ၍မရပါ။ အဆိုပါ ဝက်ဘ်ဆိုက်သည် စိတ်ချယုံကြည်နိုင်ခြင်းမရှိသည့် အင်တာနက်ဆာဗာပေါ်တွင် အခြေပြုထားခြင်း ဖြစ်နိုင် သကဲ့သို့ အဆိုပါဝဘ်ဆိုက်/ဝန်ဆောင်မှုလုပ်ငန်းပိုင်ရှင်က ၎င်း၏ဝဘ်ဆိုက်အတွင်းသို့ သင်ဝင်ရောက်ရယူနေသည့်နိုင်ငံမှ ပေါ်ထွက်လာသမျှ IP လိပ်စာအားလုံးကို (ဥပဒေ၊ စည်းမျဥ်းစည်းကမ်းများနှင့်အညီ) ပိတ်ဆို့နေခြင်းလည်း ဖြစ်နိုင်ပါသည်။

အင်တာနက်ဆင်ဆာဖြတ်တောက်မှုကို တိုင်းတာခြင်းဖြင့် ကျွန်ုပ်တို့သည် အင်တာနက်ကွန်ရက်ကို စစ်ဆေးနိုင်သည့် အပြင်၊ အင်တာနက် ကွန်ရက်ဝန်ဆောင်မှုတစ်ခုကို မည်သည့်အတွက်ကြောင့်နှင့် မည်ကဲ့သို့ ဆက်သွယ်နိုင်ခြင်း ရှိ (သို့မဟုတ် မရှိ) ဟူသည့် အကြောင်းရင်းများကို စစ်ဆေးနိုင်သည့်အတွက် အရေးပါသည်။

ဥပမာ ကွန်ရက်တစ်ခုကို စုံစမ်းစဉ် ကျွန်ုပ်တို့ဝင်ရောက်ကြည့်ရှုရန် အားထုတ်နေသည့် ဝက်ဘ်ဆိုက်တစ်ခု၏ IP လိပ်စာကို ကျွန်ုပ်တို့၏ ISP က နှောက်ယှက်လှည့်ဖြားနေကြောင်း တွေ့ရှိသည့်အခါ၊ ကျွန်ုပ်တို့ရည်ရွယ်ထားသည့် ဝက်ဘ်ဆိုက်အပေါ် ရည်ရွယ်ချက်ရှိရှိ နှောက်ယှက်နေကြောင်း သက်သေအဖြစ် အဆိုပါတွေ့ရှိမှုကို အသုံးပြုနိုင်ပါသည်။

OONI Probe အသုံးပြုခြင်းဖြင့် သင်သည် အင်တာနက်ကွန်ရက်များကို တိုင်းတာနိုင်၍ မည်သည့်ဝက်ဘ်ဆိုက်ကို မည်သူက၊ မည်သို့၊ မည်သည့်အချိန်တွင်ပိတ်ဆို့ထားကြောင်း ဖော်ပြသော အချက်အလက်များကို စုဆောင်းနိုင်သည်။

OONI ကို ငွေကြေး ဘယ်လိုထောက်ပံ့ပါသလဲ။

အမြတ်အစွန်းအတွက်မဟုတ်သည့် လုပ်ငန်းနယ်ပယ်ရှိ စီမံကိန်းများကဲ့သို့ OONI အတွက် ထောက်ပံ့ငွေနှင့် လှုဒါန်းငွေများ ရရှိသည်။

ကျွန်ုပ်တို့အတွက် အဓိက ငွေကြေးထောက်ပံ့သည့် အဖွဲ့အစည်းများတွင် ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ ဗျူရို (DRL) နှင့် ဖို့ဒ်ဖောင်ဒေးရှင်း တို့ပါဝင်သည်။

Open Technology Fund (OTF) သည် ၂၀၁၂ ခုနှစ်မှစတင်၍ ကျွန်ုပ်တို့၏ ကနဦးအစ OONI လုပ်ငန်းစဥ်များအတွက် အဓိကငွေကြေးထောက်ပံ့သည့် အဖွဲ့အစည်းအဖြစ် ယခုထိတိုင် နှစ်ပေါင်းအတန်ကြာ ရပ်တည်လျက်ရှိပါသည်။ TOR နှင့် Signal ကဲ့သို့ အင်တာနက်ကွန်ရက်ဆိုင်ရာ လူ့အခွင့်အရေးများကို တိုးတက်ပြန့်ပွားစေသည့် အထင်ရှားဆုံး အခမဲ့ ဆော့ဖ်ဝဲ စီမံကိန်းအချို့အတွက် OTF သည် ထောက်ပံ့ကူညီပေးခဲ့ပါသည်။

ကျွန်ုပ်တို့သည် OONI Explorer ကို ပြင်ဆင်မွမ်းမံရာတွင် မော်ဇီလာဆော့ဖ်ဝဲကုမ္ပဏီမှ ကူညီထောက်ပံ့မှု (Mozilla Open Source Support) ကို လက်ခံရရှိခဲ့ပါသည်။ (မူလအနေဖြင့် ၂၀၁၆ခုနှစ်၊ မတ်လတွင် စတင်ခဲ့သော) OONI Explorer ၏ ကနဦးဖန်တီးမှုအတွက် ဂျာမန်နိုင်ငံခြားရေးဝန်ကြီးဌာန မှ ပံ့ပိုးကူညီခဲ့ပါသည်။ ထို့အပြင် ကျွန်ုပ်တို့သည် Media Democracy Fund (MDF)၊ Internet Society (ISOC) နှင့် National Science Foundation (NSF) စသည့် အခြားဖောင်ဒေးရှင်းအချို့မှ ကူညီထောက်ပံ့မှုကို ရရှိခဲ့ပါသည်။

ကျွန်ုပ်တို့သည် Google Jigsaw၊ Pantheon၊ Netlify၊ AirVPN နှင့် VPN Compare စသည့် ကုမ္ပဏီများထံမှ လှုဒါန်းငွေကဲ့သို့သော အခြားကူညီထောက်ပံ့မှုပုံစံများကို လက်ခံရရှိခဲ့ပါသည်။ ကျွန်ုပ်တို့သည် အခြေခံအဆောက်အအုံ အကူအညီများကို ဂရင်းဟို့စ်ကုမ္ပဏီ Green Host နှင့် အမေဇုန်ကုမ္ပဏီ (Amazon) တို့မှ ရရှိခဲ့ပါသည်။ (OONI တိုင်းတာမှုများကို အမေဇုန်ကုမ္ပဏီ၏ ဆာဗာ S3 တွင် အခြေပြုဆောင်ရွက်ပြီး တိုင်းတာမှုများကို ခွဲခြမ်းစိတ်ဖြာရန်အတွက် အမေဇုန်ကုမ္ပဏီ ၏ ဧရာမအချက်အလက်အစု) ကို အသုံးပြုပါသည်။)

သင့်အနေဖြင့် ကျွန်ုပ်တို့ လုပ်ငန်းအတွက် ပံ့ပိုးကူညီလိုပါက OONI သို့ လှုဒါန်းခြင်း ကို ရွေးချယ်နိုင်ပါသည်။

OONI နဲ့ TOR စီမံကိန်းအကြား ပတ်သက်ဆက်နွယ်မှုက ဘာလဲ။

OONI သည် TOR စီမံကိန်း မှတစ်ဆင့် မွေးဖွားလာခြင်းဖြစ်ပါသည်။

၂၀၁၁ ခုနှစ်မှစတင်၍ TOR စီမံကိန်း ထူထောင်သူများသည် အင်တာနက်ကွန်ရက် နှောက်ယှက်ခံရမှု ပုံသဏ္ဍန်အမျိုးမျိုးကို တိုင်းတာစစ်ဆေးနိုင်မည့် ပွင့်လင်းနည်းပညာများနှင့် မူဘောင်များကို စတင်ဖန်တီးခဲ့ပြီး ရလဒ်အနေဖြင့် OONI ပေါ်ထွက်လာခဲ့ပါသည်။

၂၀၁၁ ခုနှစ်မှ ၂၀၁၉ ခုနှစ်အကြား၌ OONI သည် TOR စီမံကိန်း အောက်တွင် အခြေပြုဆောင်ရွက်ခဲ့သည့် စီမံကိန်းများအနက် တစ်ခုဖြစ်ပါသည်။ ၂၀၂၀ ခုနှစ်တွင် OONI ကို ပွင့်လင်းမြင်သာမှုနှင့် ဒစ်ဂျစ်တယ်လူ့အခွင့်အရေးဆိုင်ရာ ဟားမက်စ်စင်တာHermes Center for Transparency and Digital Human Rights မှ ဘဏ္ဍာရေးဆိုင်ရာ ထောက်ပံ့ကူညီခဲ့သော်လည်း ကျွန်ုပ်တို့သည် ဘဏ္ဍာငွေစုဆောင်းရေးနှင့် စီမံအုပ်ချုပ်ရေးကို အမှီခိုကင်းစွာ ဆောင်ရွက်ပါသည်။

ကျွန်ုပ်တို့သည် TOR အစုအဖွဲ့၏ အစိတ်အပိုင်းအဖြစ် ဆက်လက်ရပ်တည်လျက် TOR ဆိုင်ရာတိုင်းတာမှုများ အများပြည်သူထံ လက်လှမ်းမီရောက်ရှိစေရန် ပူးပေါင်းဆောင်ရွက်လျက်ရှိပါသည်။

OONI အဖွဲ့က ဘယ်မှာ အခြေစိုက်သလဲ။

OONI သည် ကမ္ဘာ့လူထုတစ်ရပ်နှင့် နိုင်ငံတကာအသင်းအဖွဲ့တစ်ခု ပါဝင်သည့် ကမ္ဘာလုံးဆိုင်ရာ စီမံကိန်းတစ်ခုဖြစ်ပါသည်။

OONI အဖွဲ့ဝင်များသည် အီတလီ၊ ဂရိ၊ တောင်အာဖရိက၊ ကင်မရွန်း၊ အိန္ဒိယ၊ ရုရှား၊ ဂျာမနီနှင့် ဆလိုဗေးနီးယားအပါအဝင် ကမ္ဘာ့နိုင်ငံအများအပြားမှ ဖြစ်ပါသည်။

ကျွန်ုပ်တို့ OONI အဖွဲ့သည် မည်သည့်နိုင်ငံတွင်မှ အခြေစိုက်ခြင်းမရှိသည့်အတွက် သီးသန့်ရုံးဌာနမရှိဘဲ အင်တာနက်ပေါ်တွင်သာ လုပ်ငန်းလည်ပတ်လျက်ရှိပါသည်။

OONI ရဲ့ ဥပဒေကြောင်းအရ တရားဝင်မှု/ဘောင်ဝင်မှု အနေအထားကဘာလဲ။

OONI သည် အမြတ်အစွန်းအတွက်မဟုတ်သည့် စီမံကိန်းတစ်ခုဖြစ်သော်လည်း ဥပဒေကြောင်းအရ မှတ်ပုံတင်ထားသည့် အဖွဲ့အစည်းတစ်ခု မဟုတ်ပါ။

၂၀၁၁ ခုနှစ်မှ ၂၀၁၉ ခုနှစ်အကြားတွင် OONI သည် အမေရိကန်ပြည်ထောင်စုတွင် ဥပဒေပုဒ်မ ၅၀၁(ဂ)(၃) အရ အမြတ်အစွန်းအတွက်မဟုတ်သည့် စီမံကိန်းအဖြစ် မှတ်ပုံတင်ထားသည့် TOR စီမံကိန်း မှ စီမံကိန်းတစ်ခု ဖြစ်ခဲ့ပါသည်။ ၂၀၂၀ ခုနှစ်တွင် OONI လုပ်ငန်းစဥ်များကို အီတလီနိုင်ငံတွင် အမြတ်အစွန်းအတွက် မဟုတ်သည့် ဒစ်ဂျစ်တယ်အခွင့်အရေးဆိုင်ရာအဖွဲ့အဖြစ် မှတ်ပုံတင်ထားသည့် ပွင့်လင်းမြင်သာမှုနှင့် ဒစ်ဂျစ်တယ်လူ့အခွင့်အရေးဆိုင်ရာ ဟားမက်စ်စင်တာ Hermes Center for Transparency and Digital Human Rights မှ ဘဏ္ဍာရေးဆိုင်ရာ ထောက်ပံ့ကူညီခဲ့ပါသည်။

OONI အဖွဲ့မှာ ကျွန်တော်/ကျွန်မ အနေနဲ့ ဘယ်လိုပါဝင်ဆောင်ရွက်နိုင်သလဲ။

သင့်ပါဝင်နိုင်သော နည်းလမ်းအများအပြား ရှိပါသည်။

OONI Probe ကို အသုံးပြုခြင်း။ အင်တာနက်ကွန်ရက်များကို တိုင်းတာမှုများ ပိုမိုလုပ်ဆောင်သည်နှင့်အမျှ ကျွန်ုပ်တို့ (OONI အဖွဲ့နှင့် ပြည်သူလူထု) သည် အင်တာနက်ဆင်ဆာဖြတ်တောက်မှုနှင့် ကွန်ရက်နှောက်ယှက်မှု အခြားပုံစံများကို ပိုမို စုံစမ်းသိရှိနိုင်ပါသည်။ သင့်အနေဖြင့် ဆင်ဆာဖြတ်တောက်မှုကို စုံစမ်းတွေ့ရှိခြင်းမရှိသည့်တိုင် သင်၏ စစ်ဆေးတိုင်းတာမှု များသည် (အချက်အလက် ခွဲခြမ်းစိတ်ဖြာခြင်းနှင့် မှတ်တမ်းမှတ်ရာ ထိန်းသိမ်းထားရှိခြင်း လုပ်ငန်းစဥ်များ အတွက်) အထူးအကျိုးများစေပါသည်။
စမ်းသပ်ခြင်းအတွက် URLs များကို အကြံပြုခြင်း။ စမ်းသပ်သည့်ဝဘ်ဆိုက်များနည်းတူ အင်တာနက်ဆင်ဆာဖြတ်တောက်မှု တွေ့ရှိချက်များသည်လည်း စိတ်ဝင်စားဖွယ်ဖြစ်ပါသည်။ စမ်းသပ်သင့်သည်ဟု သင် ယူဆသော ဝဘ်ဆိုက်များအား ဖြည့်စွက်ပေးပို့ခြင်းဖြင့် တိုင်းတာမှုအရည်အသွေးကို ပိုမိုတိုးတက်ကောင်းမွန်စေရန် ကျွန်ုပ်တို့ကို ကူညီနိုင်ပါသည်။
OONI Probe apps ကို ဘာသာပြန်ဆိုခြင်း။ OONI Probe အပလီကေးရှင်းများကို ဘာသာပြန်ဆိုခြင်း ဖြင့် အင်တာနက်ဆင်ဆာဖြတ်တောက်မှုကို တိုင်းတာမည့် လူမှုအဖွဲ့အစည်းများ ပိုမိုများပြားလာစေရန် သင်က ကူညီနိုင်သည်။
OONI Explorer ကို ဘာသာပြန်ဆိုခြင်း OONI Explorer ကို ဘာသာပြန်ဆိုခြင်း ဖြင့် ဆင်ဆာဖြတ်တောက်မှုဆိုင်ရာ တိုင်းတာမှုအချက်အလက်များကို ဝင်ရောက်ရယူမည့် လူမှုအဖွဲ့အစည်းများ ပိုမိုများပြားလာစေရန် သင်က ကူညီနိုင်သည်။
လူမှုအဖွဲ့အစည်း ညှိနှိုင်းဆွေးနွေးမှုများတွင် ပါဝင်ဆောင်ရွက်ခြင်း။ အချိန်နှင့်တပြေးညီ ဆွေးနွေးမှုများအတွက် Slack သို့မဟုတ် IRC (ircs://irc.oftc.net:6697/#ooni) လမ်းကြောင်းတွင် ပါဝင်နိုင်ပြီး၊ နောက်ဆုံးရသတင်းများ ရယူရန်နှင့် အချက်အလက်များ မျှဝေရန်အတွက် ကျွန်ုပ်တို့၏ စာပြန်ရမည့်ပုဂ္ဂိုလ်များစာရင်း (Mailing List) တွင် အမည်စာရင်းပေးသွင်းပါ။
အလုပ်ရုံဆွေးနွေးပွဲများကို ပံ့ပိုးကူညီပေးခြင်း။ သင်၏ဒေသတွင်းလူမှုအဖွဲ့အစည်းများအား OONI Probe နှင့် OONI အချက်အလက်များ ကို အသုံးပြုနိုင်စေရန် ချိတ်ဆက်ကူညီပေး၍ သတင်းအချက်အလက် ဖြန့်ဝေပေးပါ။
ကမ္ဘာတစ်လွှားရှိ OONI Probe အသုံးပြုသူများနှင့် ချိတ်ဆက်၍ ဆင်ဆာဖြတ်တောက်မှုစမ်းသပ်ခြင်းများ ပြုလုပ်ပါ။ OONI Run platform ကို အသုံးပြု၍ သင်စမ်းသပ်လိုသည့်ဝဘ်ဆိုက်လင့်ခ်များကို ဖော်ထုတ်ကာ အဆိုပါ လင့်ခ်များကို ကမ္ဘာတစ်လွှားရှိ OONI Probe အသုံးပြုသူများနှင့် မျှဝေပါ။
သင်၏သုတေသနလေ့လာမှုတွင် OONI အချက်အလက်များကို အသုံးပြုပါ။ OONI သည် သင်၏ သုတေသနတွင် အစိတ်အပိုင်းတစ်ရပ်အဖြစ်အသုံးပြုနိုင်မည့် အခမဲ့ဆော့ဖ်ဝဲလ်စနစ်၊ ပွင့်လင်းနည်းပညာများ နှင့် ပွင့်လင်းအချက်အလက်များ ကို ပံ့ပိုးကူညီပေးသည်။ OONI အချက်အလက်မှတစ်ဆင့် သင် ရှာဖွေဖော်ထုတ်နိုင်မည့်အရာများကို ကြည့်ရှုနိုင်ရန် ကျွန်ုပ်တို့၏ သုတေသနအစီရင်ခံစာ အား ဖတ်ရှုပါ။
သင်၏ သတင်းဂျာနယ်ဆိုင်ရာ အစီရင်ခံစာများတွင် OONI အချက်အလက်များကို အသုံးပြုပါ။ ကွန်ရက်တိုင်းတာမှုအချက်အလက်များကို သက်သေအထောက်အထားဖြစ်ရပ်များအဖြစ် ရည်ညွှန်းကိုးကားဖော်ပြခြင်းဖြင့် သင်တင်ပြသော အကြောင်းအရာအပေါ် ယုံကြည်မှုတိုးပွားစေပါသည်။ ဖော်ပြခြင်းမခံရသေးသည့် ဆင်ဆာဖြတ်တောက်မှုဖြစ်ရပ်များ ကို OONI အချက်အလက် မှတစ်ဆင့် ရှာဖွေဖော်ထုတ်၍ ပြည်သူလူထုအား အသိပေးမျှဝေပါ။
သင်၏ အားပေးထောက်ခံရေးလှုပ်ရှားမှုများတွင် OONI အချက်အလက်ကို အသုံးပြုပါ။ OONI အချက်အလက်များ မှတစ်ဆင့် ကမ္ဘာတစ်လွှား တွေ့ရှိရသောဆင်ဆာဖြတ်တောက်မှု ဖြစ်ရပ်များနှင့် ဖြစ်စဥ်များအပေါ်အခြေခံ၍ သင်၏အားပေးထောက်ခံရေးလှုပ်ရှားမှုများကို သိရှိစေရန် ဆောင်ရွက်ပါ။
OONI အချက်အလက်များမှတစ်ဆင့် ဖော်ထုတ်တွေ့ရှိသော ဆင်ဆာဖြတ်တောက်မှုဖြစ်ရပ်များသည် ဥပဒေအရ ဘောင်ဝင်ခြင်း ရှိ၊မရှိ ဟူသည့်အချက်ကို စစ်ဆေးပါ။ သင်ပြုလုပ်ထားသည့် ဥပဒေကြောင်းရာဆန်းစစ်မှုကို ပြည်သူလူထုသို့ မျှဝေ၍ အဆိုပါ OONI အချက်အလက်များကို တရားရုံးထွက်ဆိုချက်များတွင် သက်သေအထောက်အထားအဖြစ် အသုံးပြုနိုင်ရန် စဉ်းစားပါ။
OONI အချက်အလက်များကို ဆန်းစစ်ပါ။ OONI အချက်အလက်များသည် ၂၀၁၂ ခုနှစ်မှစတင်၍ ကမ္ဘာတစ်လွှားရှိ နိုင်ငံပေါင်း ၂၀၀ ကျော်မှ ကောက်ယူစုဆောင်းခဲ့သောတိုင်းတာမှု ၁ ဘီလီယံကျော်ပါဝင်သည့် ရွှေတွင်းကြီးတစ်ခုဖြစ်ပါသည်။ ထို့အပြင် သိန်းပေါင်းများစွာချီသည့် စမ်းသပ် မှုအသစ်များကိုလည်း နေ့စဥ် ထုတ်ပြန်လျက်ရှိပါသည်။ OONI အချက်အလက်များ ကိုလေ့လာ၍ အင်တာနက်ဆင်ဆာဖြတ်တောက်မှုဆိုင်ရာ ဖြစ်ရပ်များကို ရှာဖွေဖော်ထုတ်နိုင်ပါသည်။
အချက်အလက်များကို မြင်သာစေမည့်ပုံဖြင့် ဖော်ပြပါ။ OONI အချက်အလက်များကို မြင်သာဖြစ်စေမည့် ပုံများ ဖန်တီးဖော်ပြခြင်းဖြင့် OONI ၏ ဆင်ဆာဖြတ်တောက်ခံရမှု တွေ့ရှိချက်များကို ဖော်ပြနိုင်ပါသည်။
OONI မိတ်ဖက်လုပ်ငန်းအစီအစဥ်များတွင် ပူးပေါင်းပါဝင်ပါ။ အင်တာနက်ဆင်ဆာဖြတ်တောက်မှုကို လေ့လာရန် ကျွန်ုပ်တို့နှင့် ပူးပေါင်းဆောင်ရွက်ပါ။ သင်၏ ဒေသတွင်းပြည်သူလူထုအား OONI Probe အသုံးပြုနိုင်စေရန် ကူညီပေးခြင်း၊ စမ်းသပ်ရမည့်ဝဘ်ဆိုက်စာရင်းအား အချိန်နှင့်တစ်ပြေးညီ တင်ပြခြင်း နှင့် ဆင်ဆာဖြတ်တောက်မှု ရှာဖွေတွေရှိချက်များကို သတင်းပို့အကြောင်းကြားခြင်း တို့ ဆောင်ရွက်နိုင်ပါသည်။
OONI ဆော့ဖ်ဝဲ ပိုမိုကောင်းမွန်စေရန် ကူညီပါ။ ကျွန်ုပ်တို့သည် OONI အချက်အလက်ဂေဟစနစ်ကို အားဖြည့်ပေးသည့် ဆော့ဖ်ဝဲစီမံကိန်း အများအပြားကို တည်ဆောက်ပြီး၊ ပြုပြင်ထိန်းသိမ်းပါသည်။ ကျွန်ုပ်တို့၏ သင်္ကေတ/ ကုဒ်အားလုံးသည် ပွင့်လင်းရင်းမြစ်များဖြစ်၍ သင်တို့အနေဖြင့် အဆိုပါစနစ် ပိုမိုကောင်းမွန်စေရန် သုံးသပ်ခြင်း (သို့) ပံ့ပိုးကူညီခြင်းတို့ ပြုလုပ်ပေးရန် တိုက်တွန်းလိုပါသည်။
OONI Probe အတွက် ကွန်ရက်တိုင်းတာရေးစမ်းသပ်ချက်တစ်ခု ရေးသားပေးပါ။ ပြည်သူလူထုအနေဖြင့် ၎င်းတို့အသုံးပြုနေသည့် အင်တာနက်ကွန်ရက်တိုင်းတာမှုများ ကိုယ်တိုင်ပြုလုပ်နိုင်စေရန် ရည်ရွယ်၍ ပွင့်လင်းနည်းပညာများနှင့် မူဘောင်များကိုအခြေပြုကာ OONI Probe ကို ဖန်တီးခဲ့ပါသည်။ သင် စိတ်ပါဝင်စားပါက ကျွန်ုပ်တို့နှင့် ချိတ်ဆက်ဆောင်ရွက်နိုင်ရန် ဆက်သွယ်ပါ။

OONI Probe

OONI Probe ဆိုတာဘာလဲ။

OONI Probe သည် အင်တာနက်ဆင်ဆာဖြတ်တောက်မှုနှင့် ကွန်ရက်နှောက်ယှက်ခံရမှု ပုံစံအမျိုးမျိုးကို တိုင်းတာစစ်ဆေးနိုင်ရန် ဒီဇိုင်းပြုလုပ်ထားသည့် အခမဲ့နှင့် ပွင့်လင်း ရင်းမြစ် ဆော့ဖ်ဝဲ ဖြစ်ပါသည်။

ကျွန်တော်/ကျွန်မတို့တိုင်းပြည်မှာ အင်တာနက်ဆင်ဆာဖြတ်တောက်မှု မရှိပါ။ ထို့ကြောင့် OONI Probe ကို အသုံးပြုရန် ဘာကြောင့်လိုအပ်ပါသလဲ။

OONI အဖွဲ့အနေဖြင့် (အင်တာနက်ဆင်ဆာဖြတ်တောက်မှု ဖြစ်ရပ်များကို သတင်းပို့ ခြင်းပြုသည်ဖြစ်စေ၊ မပြုသည်ဖြစ်စေ) ကမ္ဘာတစ်လွှားရှိ နိုင်ငံတိုင်းတွင် ဆင်ဆာဖြတ်တောက်မှုအတွက် ကွန်ရက်များကို တိုင်းတာရန် အရေးကြီးသည်ဟု ကျွန်ုပ်တို့ ယူဆသည်။ အကြောင်းမှာ -

အင်တာနက်ဆင်ဆာဖြတ်တောက်ခြင်းသည် များသောအားဖြင့် နိုင်ငံရေးအရ တွန်းအားပေးမှု ဖြစ်သောကြောင့် အာဏာရှိပုဂ္ဂိုလ်များနှင့် နိုင်ငံရေးဖြစ်ရပ်များအပေါ်မူတည်၍ ပြောင်းလဲနိုင်သည်။
အကယ်၍ သင်၏နိုင်ငံအတွင်း အင်တာနက်ဆင်ဆာဖြတ်တောက်မှု စတင်ပေါ်ပေါက် လာပါက ၎င်းကို သက်သေပြနိုင်မည့် လက်ရှိအချက်အလက် (နှင့်၊ ၎င်းတို့နှင့် နှိုင်းယှဥ်စစ်ဆေးနိုင်မည့် ယခင်အချက်အလက်) သင့်ထံ၌ ရှိရမည်ဖြစ်ပါသည်။
တိုင်းရင်းသားလူနည်းစု ဝဘ်ဆိုက်များ ပိတ်ဆို့ခြင်းကဲ့သို့ အင်တာနက်ဆင်ဆာဖြတ်တောက်မှုဖြစ်ရပ် အများအပြားသည် လူထုအာရုံစိုက်ခံရမှုမှ လွတ်ကင်းနေတတ်သည်။
နိုင်ငံတစ်ခုအတွင်း အင်တာနက်ကွန်ရက်များအကြားတွင် ဆင်ဆာဖြတ်တောက်ခံရမှု ကွဲပြားခြားနားနိုင်ပါသည်။ သင့်ကွန်ရက်တွင် ရယူအသုံးပြုနေနိုင်သော အင်တာနက်ဝန်ဆောင်မှုများသည် အခြားကွန်ရက်များတွင် ပိတ်ဆို့ခံနေရတတ်ပါသည်။
အင်တာနက်ဝန်ဆောင်မှုတစ်ခုသည် ရည်ရွယ်ချက်ရှိရှိ ပိတ်ဆို့ခံရခြင်းလား သို့မဟုတ် (ကွန်ရက်ပြဿနာများ စသည့်) အခြားအကြောင်းများကြောင့် ဝင်ရောက်အသုံးပြု၍မရခြင်းလား ဟူသည့်အချက်သည် အမြဲ ရှင်းလင်းပြတ်သားနေလေ့ မရှိပါ။
ပွင့်လင်းမြင်သာမှုမရှိသမျှ၊ အစိုးရများနှင့် အင်တာနက်ဝန်ဆောင်မှုပေးသူများ (ISPs) သည် (အထူးသဖြင့် အင်တာနက်ဝန်ဆောင်မှုတစ်ခုကို ရည်ရွယ်ချက်ရှိရှိ ပိတ်ဆို့ခြင်းခံရကြောင်း ရှင်းလင်းပြတ်သားခြင်း မရှိသည့်အခါ) မှန်ကန်နိုင်သယောင်ရှိသော ငြင်းချက်ထုတ်မှုများ ကို ရှာဖွေဖန်တီးနိုင်သည့် အလားအလာရှိပါသည်။
ကျွန်ုပ်တို့သည် အာဏာရှိပုဂ္ဂိုလ်များကို အဆိုပါဖြစ်ရပ်မျိုးနှင့်ပတ်သက်၍ တာဝန်ခံစေခြင်းသည် ကောင်းမွန်သော ဒီမိုကရေစီအလေ့အထ ဖြစ်သည် ဟု ယူဆပါ သည်။
တိုင်းတာမှုများ ပြုလုပ်ပေးခြင်းဖြင့် ကမ္ဘာတစ်ဝှမ်း ကွန်ရက်နှောက်ယှက်ခံရမှု ဆိုင်ရာ အများပြည်သူသိရှိလေ့လာနိုင်သည့်မှတ်တမ်း ဖန်တီးရာတွင် သင်ကူညီနေပါသည်။ အင်တာနက်ကွန်ရက်တွင် ဖြစ်ပျက်ခဲ့သည့် အဖြစ်အပျက်များကို နောင်လာမည့် မျိုးဆက်များ သိရှိနိုင်စေရန် သင်က ဆောင်ရွက်နိုင်ပါလိမ့်မည်။**

OONI Probe စစ်ဆေးမှုတွေက ဘာတွေကို ဆောင်ရွက်ပါသလဲ။

OONI Probe တွင် အောက်ဖော်ပြတို့ကို တိုင်းတာစစ်ဆေးနိုင်ရန် ဒီဇိုင်းပြုလုပ်ထားသော အခမဲ့ ဆော့ဖ်ဝဲစမ်းသပ်မှုများ ပါဝင်ပါသည်။

ဝဘ်ဆိုက်များ ပိတ်ဆို့ခြင်း
လက်ငင်း စာတိုပေးပို့ခြင်း အက်ပ်များ (WhatApp၊ Facebook၊ Messenger၊ Telegram၊ Signal) အား ပိတ်ဆို့ခြင်း
ဆင်ဆာဖြတ်တောက်မှုကို ဖြတ်ကျော်သည့် နည်းလမ်းများ (TOR နှင့်Psiphon) အား ပိတ်ဆို့ခြင်း
ကွန်ရက်သုံးပစ္စည်းများ (Middleboxes) (ဆင်ဆာဖြတ်တောက်ခြင်း သို့မဟုတ် စောင့်ကြည့်ခြင်းများကို ပြုလုပ်နိုင်သည့် စနစ်များ) တည်ရှိခြင်း
ကွန်ရက်များ၏ အမြန်နှုန်းနှင့် စွမ်းဆောင်ရည်

OONI Probe စမ်းသပ်မှုက အင်တာနက်ဆင်ဆာဖြတ်တောက်မှုကို ဘယ်လို တိုင်းတာပါသလဲ။

ဝဘ်ဆိုက်တစ်ခု ပိတ်ဆို့ခြင်းကို တိုင်းတာသည့်အခါ OONI Probe သည် ထိုဝဘ်ဆိုက်ဆီသို့ တိုင်းတာစစ်ဆေးမှုအချို့ ကို ကွန်ရက်နှစ်ခုမှ အလိုအလျောက်ပြုလုပ်ပါသည်။

အသုံးပြုသူ၏ အင်တာနက်ကွန်ရက်(၎င်းသည် ဆင်ဆာဖြတ်တောက်ခံရနိုင်သည်။)
ထိန်းချုပ်ရေး အင်တာနက်ကွန်ရက် (၎င်းသည် ဆင်ဆာဖြတ်တောက်ခံရခြင်း မရှိပါ။)

အဆိုပါ ကွန်ရက်နှစ်ခုမှ ရလာဒ်များကို အလိုအလျောက် နှိုင်းယှဥ်စစ်ဆေးပါသည်။ ရလာဒ်များ တူညီပါက စမ်းသပ်ထားသော ဝဘ်ဆိုက်သည် ဝင်ရောက်ကြည့်ရှု၍ ရသည်ဟု ယူဆပါသည်။ အကယ်၍ ရလာဒ်များ မတူပါက စမ်းသပ်ထားသော ဝဘ်ဆိုက်သို့ ဝင်ရောက်ရာလမ်းကြောင်းသည် ပိတ်ဆို့ခံထားရဖွယ် ရှိနိုင်ပါသည်။

OONI Probe စမ်းသပ်မှုက မည်သို့ဆောင်ရွက်သည်ကို အောက်ပါ လင့်ခ်များမှတစ်ဆင့် လေ့လာနိုင်ပါသည်။

Web Connectivity test: https://ooni.org/nettest/web-connectivity/
WhatsApp test: https://ooni.org/nettest/whatsapp/
Facebook Messenger test: https://ooni.org/nettest/facebook-messenger/
Telegram test: https://ooni.org/nettest/telegram/
Signal: https://ooni.org/nettest/signal/
Tor: https://ooni.org/nettest/tor/
Psiphon: https://ooni.org/nettest/psiphon/
HTTP Invalid Request Line test: https://ooni.org/nettest/http-invalid-request-line/
HTTP Header Field Manipulation test: https://ooni.org/nettest/http-header-field-manipulation/
NDT: https://ooni.org/nettest/ndt/
DASH: https://ooni.org/nettest/dash/

စမ်းသပ်မှု အသေးစိတ်သတ်မှတ်ဖော်ပြချက်များကို ဤလင့်ခ်မှတစ်ဆင့် ဖတ်ရှုလေ့လာနိုင်ပါသည်။ https://github.com/ooni/spec/tree/master/nettests

ကျွန်တော်/ကျွန်မသည် ကွန်ပြူတာ ပညာရှင်တစ်ဦး မဟုတ်ပါ။ သို့ဖြစ်ပါ၍ ကျွန်တော်/ကျွန်မသည် OONI Probe ကို အသုံးပြုနိုင်ပါမည်လား။

သေချာပေါက် အသုံးပြုနိုင်ပါသည်။ OONI Probe အသုံးပြုရရန် အလွယ်ကူဆုံးနည်းလမ်းအဖြစ် OONI Probe mobile app (Android နှင့် iOS များအတွက်) ကို ရယူထည့်သွင်း၍ သင် အသုံးပြုနိုင်ပါသည်။ စမ်းသပ်မှုများကို ခလုတ်တစ်ချက်နှိပ်၍ ပြုလုပ်နိုင်ပါသည်။

OONI Probe mobile app ကဲ့သို့ပင် တူညီသည့် ဒီဇိုင်း၊ ပါဝင်သည့်အရာ၊ သွင်ပြင်လက္ခဏာများ ပါဝင်သည့် OONI Probe desktop app ကိုလည်း သင် အသုံးပြုနိုင်ပါသည်။

ကျွန်တော်/ကျွန်မသည် OONI Probe ကို ဘယ်လို အသုံးပြုရမလဲ။

OONI Probe ကို အောက်ဖော်ပြပါ ပလက်ဖောင်းများတွင် အသုံးပြုနိုင်ပါသည်။

Android: https://play.google.com/store/apps/details?id=org.openobservatory.ooniprobe
iOS: https://itunes.apple.com/us/app/id1199566366
F-Droid: https://f-droid.org/repository/browse/?fdid=org.openobservatory.ooniprobe
Windows & macOS: https://ooni.org/install/desktop
Linux: https://ooni.org/install/cli/ubuntu-debian

ကျွန်တော်/ကျွန်မသည် OONI Probe ကို အသုံးပြုခဲ့သည်။ ရလာဒ်များကို လူကြီးမင်းထံ ပေးပို့ရန် လိုအပ်ပါသလား။

ပေးပို့ရန် မလိုပါ။ သင် စမ်းသပ်မှုပြုလုပ်သည်နှင့်တစ်ပြိုင်နက် (ဆက်တင်တွင် သင် ရွေးချယ်ထားပါက) သင့်ရလာဒ်များအား ကျွန်ုပ်တို့ထံ အလိုအလျောက်ပေးပို့ရန် OONI Probe ကို ဒီဇိုင်းပြုလုပ်ထားသောကြောင့် ဖြစ်ပါသည်။ သင့်ရလာဒ်များအား အလိုအလျောက် ဆောင်ရွက်ကာ အချိန်နှင့်တစ်ပြေးညီ ထုတ်ပြန်မည် ဖြစ်ပါသည်။

ကျွန်တော်/ကျွန်မသည် OONI Probe ကို ဘယ်နှစ်ကြိမ် အသုံးပြုသင့်ပါသလဲ။

အကြိမ်ရေ များနိုင်သမျှများစွာ အသုံးပြုသင့်ပါသည်။ အင်တာနက်ဆင်ဆာဖြတ်တောက်မှုများသည် ရုတ်တရက် ပေါ်ပေါက်နိုင်ပြီး၊ အင်တာနက်ဝန်ဆောင်မှုများကို ပိတ်ဆို့ခြင်းနှင့် ပြန်ဖွင့်ပေးခြင်းတို့သည် အချိန်နှင့်အမျှပြောင်းလဲနိုင်သောကြောင့် ဖြစ်ပါသည်။

အကောင်းဆုံးနည်းလမ်းမှာ OONI Probe တွင်ပါဝင်သည့် အလိုအလျောက်စမ်းသပ်ခြင်းကို ဆောင်ရွက်ခြင်းဖြစ်သည်။

ကျွန်တော်/ကျွန်မသည် OONI Probe အလိုအလျောက်လည်ပတ်စေရန် ဘယ်လို လုပ်ဆောင်ရပါမလဲ။

သင့်အနေဖြင့် OONI Probe apps ဆက်တင်တွင်ပါဝင်သည့် “အလိုအလျောက်စမ်းသပ်ခြင်း” ကို ဆောင်ရွက်နိုင်ပါသည်။

သင်၏ မိုဘိုင်းဖုန်း/ ကွန်ပြူတာအား ဝိုင်ဖိုင်အင်တာနက်နှင့် ချိတ်ဆက်ထားချိန် သို့မဟုတ် ဘက်ထရီအားသွင်းချိန်၌သာ OONI Probe ကို အလိုအလျောက်လည်ပတ်စေရန် အဆိုပါဆက်တင်များတွင် သင် ရွေးချယ်နိုင်ပါသည်။

Linux OONI Probe CLI သည် ဒက်စ်တော့ပရိုဂရမ်အစု (.deb package) ကိုသုံး၍ ၎င်းအား ထည့်သွင်းသည့်အခါ အလိုအလျောက် စမ်းသပ်ပါသည်။

ကျွန်တော်/ကျွန်မသည် OONI Probe ကို အချိန်မည်မျှကြာ အသုံးပြုသင့်ပါသလဲ။

တတ်နိုင်သမျှ အချိန်ကြာမြင့်စွာ အသုံးပြုသင့်ပါသည်။ အင်တာနက်ဆင်ဆာဖြတ်တောက်မှုများသည် ရုတ်တရက် ပေါ်ပေါက်နိုင်ပြီး၊ အင်တာနက်ဝန်ဆောင်မှုများကို ပိတ်ဆို့ခြင်းနှင့် ပြန်ဖွင့်ပေးခြင်းတို့သည် အချိန်နှင့်အမျှပြောင်းလဲနိုင်သောကြောင့် ဖြစ်ပါသည်။

OONI Probe ကို သင်အသုံးပြုသည့်အခါတိုင်း (သင့် တိုင်းတာမှုများကို အလိုအလျောက် ထုတ်ပြန်ထားသောကြောင့်) ကွန်ရက်နှောက်ယှက်ခံရမှုဆိုင်ရာ အများပြည်သူသိရှိလေ့လာနိုင်သည့် မှတ်တမ်း အတွက် တိုင်းတာမှုများအား သင် ပံ့ပိုးနေပါသည်။

အချိန်နှင့်အမျှ အင်တာနက်ဆင်ဆာဖြတ်တောက်မှုကို ပိုမိုထိရောက်စွာ ခြေရာခံသိရှိနိုင်စေရန် သင့်အနေဖြင့် OONI Probe ကို တတ်နိုင်သမျှ အချိန်ကြာမြင့်စွာ (နှစ်ဖြင့်ချီ၍) အသုံးပြုသင့်ပါသည်။

ကျွန်တော်/ကျွန်မသည် ပိတ်ဆို့ထားသော ဝက်ဘ်ဆိုက်များကို ကြုံတွေ့ရသည်။ အဆိုပါ ပိတ်ဆို့ထားမှုများကို ဘယ်လို ရှောင်တိမ်းရပါမလဲ။

TOR Browser သို့မဟုတ် VPN တစ်ခု Psiphon ကို အသုံးပြု၍ ဝဘ်ဆိုက်ပိတ်ဆို့ခံရခြင်းကို ရှောင်တိမ်းနိုင်ပါသည်။

ကျွန်တော်/ကျွန်မ၏ အင်တာနက်ကွန်ရက်တွင် ကွန်ရက်သုံးပစ္စည်း (middlebox ) တစ်ခုကို OONI Probe က တွေ့ရှိသည်။ အဆိုပါတွေ့ရှိမှုအရ ကျွန်တော်/ကျွန်မသည် စောင့်ကြည့်မှုအောက်တွင် ရောက်ရှိနေပြီဟု ဆိုလိုပါသလား။

သေချာပေါက် ပြော၍မရပါ။

အင်တာနက်ဝန်ဆောင်မှုပေးသည့်လုပ်ငန်း (ISPs) အမြောက်အများသည် (အချက် အလက်များယာယီ သိုဝှက်သိမ်းဆည်းခြင်း Caching ကဲ့သို့) ကျယ်ပြန့်သည့် ကွန်ရက် ချိတ်ဆက်ခြင်းရည်ရွယ်ချက်များအတွက် ကွန်ရက်သုံးပစ္စည်း (Middlebox) များကို အသုံးပြုပြီး၊ ထိုဖြစ်ရပ်အများအပြားသည် အင်တာနက်ဆင်ဆာဖြတ်တောက်ခြင်း သို့မဟုတ် စောင့်ကြည့်စစ်ဆေးခြင်းနှင့် ပတ်သက်မှုမရှိပါ။

ကျွန်တော်/ကျွန်မသည် နိုင်ငံတစ်ခုရှိ အင်တာနက်ဆင်ဆာဖြတ်တောက်မှုကို အခြားတစ်နိုင်ငံမှ စစ်ဆေးတိုင်းတာနိုင်ပါမည်လား။

အင်တာနက်ဆင်ဆာဖြတ်တောက်မှုကို ရင်ဆိုင်တွေ့ကြုံနေရသည့် နိုင်ငံတစ်ခုအတွင်းရှိ အင်တာနက်အသုံးပြုသူတစ်ဦးအနေဖြင့် အင်တာနက်ဆင်ဆာဖြတ်တောက်မှုကို တိုငးတာနိုင်ရန် ရည်ရွယ်၍ OONI Probe စမ်းသပ်မှုများကို ဒီဇိုင်းပြုလုပ်ထားပါသည်။ OONI Probe ကို ၎င်းချိတ်ဆက်သောကွန်ရက် တည်ရှိသည့်နိုင်ငံအတွင်း၌ ထိုကွန်ရက် အား တိုင်းတာနိုင်ရန် ဒီဇိုင်းပြုလုပ်ထားပါသည်။

သင်သည် (သက်ဆိုင်ရာနိုင်ငံအတွင်း၌ လူကိုယ်တိုင်ရှိမနေဘဲ) စမ်းသပ်မှုများကို အဝေးမှ ဆောင်ရွက်လျှင် – ဥပမာ VPS ဆာဗာတစ်ခုဖြင့် စမ်းသပ်ပါက OONI Probe ဆန်းစစ်မှုများသည် အဆိုပါရည်ရွယ်ချက်အတွက် ဒီဇိုင်းပြုလုပ်ထားခြင်းမဟုတ်သောကြောင့် တိကျသေချာမှုမရှိသော ရလာဒ်များ သင် ရနိုင်ဖွယ်ရှိပါသည်။

အဝေးတစ်နိုင်ငံမှ စမ်းသပ်ရန်အတွက် ပွင့်လင်း DNS resolvers ကို အင်တာနက်ကွန်ရက်တွင် ရှာဖွေ၍ DNS အခြေပြုပိတ်ဆို့ခံရသည့် ဖြစ်ရပ်များအား ဖော်ထုတ်နိုင်ရန် စုံစမ်းပေးသော Satellite ကဲ့သို့ အခြားဆော့ဖ်ဝဲများကိုအသုံးပြုရန် ကျွန်ုပ်တို့ အကြံပြုလိုပါသည်။

OONI Probe မှ မည်သို့သော အချက်အလက် အမျိုးအစားများကို ကောက်ယူပါသလဲ။

OONI Probe သည် အသုံးပြုသူများ၏ ကိုယ်ရေးကိုယ်တာ (Privacy) နှင့် လုံခြုံစိတ်ချရမှု (Security) ကို ထည့်သွင်းစဉ်းစားလျက် တည်ဆောက်ထားသော်လည်း၊ ကိုယ်ရေးကိုယ်တာလျှို့ဝှက်ချက်ကို သိမ်းဆည်းပေးသည့်စနစ်တစ်ခု မဟုတ်ပါ။ ထို့ကြောင့် ကျွန်ုပ်တို့ OONI အဖွဲ့အနေဖြင့် အင်တာနက်ဆင်ဆာဖြတ်တောက်ခံရမှု ပုံသဏ္ဍန်အမျိုးမျိုးကို တိုင်းတာရန် လိုအပ်သောအချက်အလက်အမျိုးအစားအလိုက် အချက်အလက်ပမာဏကို ကန့်သတ်နိုင်ရန် အားထုတ်ထားပါသည်။

နဂိုမူလစနစ်အရ OONI Probe သည် အောက်ပါအချက်အလက်များကို စုစည်းကောက်ယူပါသည် တိုင်းတာမှုပြုလုပ်သည့် နေ့ရက်နှင့် အချိန်နာရီ (ဥပမာ ၂၀၁၉-၁၀-၃၀၊ ၁၄:၀၀ ကမ္ဘာလုံးဆိုင်ရာ တစ်သမတ်တည်းညှိနှိုင်းထားသော စံတော်ချိန်-UTC)

နိုင်ငံကုဒ် (ဥပမာ အီတလီနိုင်ငံအတွက် “IT”)
သင့် အင်တာနက်ကွန်ရက်၏ အချက်အလက်များ အဆိုပါအချက်အလက်များ တွင် အင်တာနက်လမ်းကြောင်းစနစ်နံပတ် (AS Number) (ဥပမာ ဆက်သွယ်ရေးကုမ္ပဏီ Vodafone Italia ၏ အင်တာနက်ကွန်ရက်၌ စမ်းသပ်မှုပြုလုပ်လျှင် ““AS30722"”) နှင့် သင် ချိတ်ဆက်အသုံးပြုနေသည့် ကွန်ရက်အမျိုးအစား (ဝိုင်ဖိုင် သို့မဟုတ် မိုဘိုင်း) ပါဝင်ပါသည်။
ကွန်ရက် တိုင်းတာမှုအချက်အလက်များ (၎င်းတို့သည် သတ်မှတ်သည့် စမ်းသပ်မှု အပေါ်မူတည်၍ ပြောင်းလဲပါသည်။)

OONI Probe သည် သင်၏ IP လိပ်စာကို ကောက်ယူစုဆောင်းခြင်း မပြုပါ။

ကျွန်ုပ်တို့သည် သင်၏ IP လိပ်စာနှင့် အခြား ကိုယ်ရေးအချက်အလက်များကို (၎င်းတို့သည် HTTP headers သို့မဟုတ် တိုင်းတာမှု၏ အခြား နောက်ခံအချက်အလက်များအတွင်း ပါရှိနေလျှင်) အမှတ်မထင် စုဆောင်းမိနိုင်ပါသည်။ OONI Probe စမ်းသပ်နေသည့် ဝဘ်ဆိုက်သည် ခြေရာခံနည်းပညာများ အသုံးပြုပါက သို့မဟုတ် ဝဘ်ဆိုက်တွင် စိတ်ကြိုက်ဖန်တီးနိုင်သည့် အကြောင်းအရာများ ပါဝင်နေပါက ထိုအချက်အလက်များကို စုဆောင်းမိနိုင်ပါသည်။ ကျွန်ုပ်တို့ OONI အဖွဲ့အနေဖြင့် သင့်အပေါ်ကျရောက်နိုင်သော အန္တရာယ်ကိုလျှော့ချနိုင်ရန် ကျွန်ုပ်တို့၏ တိုင်းတာမှုအချက်အလက်အစုမှ IP လိပ်စာများနှင့် အခြားကိုယ်ရေးအချက်အလက်များကို ဖယ်ရှားရန် လုပ်ဆောင်နေပါသည်။

ကျွန်ုပ်တို့၏ အချက်အလက်ဆိုင်ရာ လိုက်နာကျင့်သုံးမှုများကို အောက်ဖော်ပြပါ အချက်အလက်မူဝါဒတွင် အသေးစိတ်လေ့လာနိုင်ပါသည်။ https://ooni.org/about/data-policy/

ကျွန်တော်/ကျွန်မသည် OONI Probe တိုင်းတာမှုတွေ ပေးပို့ခြင်းကနေ ဘယ်လို ရှောင်ဖယ်လို့ရမလဲ။

OONI Probe အပလီကေးရှင်း၏ ဆက်တင်များမှတစ်ဆင့် “ရလာဒ်များကို အလိုအလျောက် ထုတ်ပြန်ခြင်း” ဆက်တင်ကို ရပ်တန့်စေခြင်းဖြင့် မည်သည့်တိုင်းတာမှုကိုမဆို မျှဝေခြင်းနှင့်ထုတ်ပြန်ခြင်းမှ လုံးဝဖယ်ထုတ်နိုင်ပါသည်။

OONI Probe အသုံးပြုခြင်းကြောင့် ဘယ်လို ဘေးအန္တရာယ်တွေ ဖြစ်ပေါ်လာနိုင်လဲ။

သင် OONI Probe ကို အသုံးပြုနေသည့်နိုင်ငံနှင့် ခြိမ်းခြောက်ခံရမှုပုံစံပေါ် မူတည်၍ OONI Probe အသုံးပြုခြင်းသည် အန္တရာယ်ကျရောက်နိုင်သည်။

စဥ်းစားရမည့်အချက်အချို့မှာ အောက်ပါအတိုင်း ဖြစ်ပါသည်။

OONI Probe သည် ကိုယ်ရေးကိုယ်တာလျှို့ဝှက်ချက်ကို သိမ်းဆည်းပေးသည့်စနစ်တစ်ခု မဟုတ်ပါ။ သင့် အင်တာနက် အသုံးပြုမှုကို စောင့်ကြည့်နေသူတိုင်း (အစိုးရ၊ အင်တာနက်ဝန်ဆောင်သည့်အဖွဲ့၊ အလုပ်ရှင် စသည့်) သည် OONI Probe ကို သင်အသုံးပြုနေကြောင်း (သင်အသုံးပြုနေသည့် အခြား ဆော့ဖ်ဝဲများကိုမြင်နိုင်သကဲ့သို့) တွေ့မြင်ရမည်။
OONI Probe သည် စုံစမ်းစစ်ဆေးသည့်စနစ်တစ်ခု ဖြစ်ပါသည်။ အချို့ သော OONI Probe စမ်းသပ်မှုများအား အင်တာနက်ဆင်ဆာဖြတ်တောက်မှုကို ဖော်ထုတ်ရန် သိသာရှင်းလင်းသည့်ပုံစံဖြင့် ဒီဇိုင်းပြုလုပ်ထားပါသည်။
သင် တွေ့ကြုံနေရသည့် ခြိမ်းခြောက်ခံရမှုပုံစံ

ဥပမာ ဥပမာ တင်းကျပ်စွာ စောင့်ကြည့်ခံနေရသည့် ထင်ရှားကျော်ကြားသော တက်ကြွလှုပ်ရှားသူတစ်ဦးသည် OONI Probe အသုံးပြုလျှင် ပိုမိုအာရုံစိုက်ခံရနိုင်သည်။

သင် OONI Probe ကို အသုံးပြုလျက်ရှိသည့်နိုင်ငံတွင် ပြဌာန်းထားသော ဥပဒေ၊ နည်းဥပဒေနှင့် စည်းမျဥ်းစည်းကမ်းများ ပြည်တွင်းရှေ့နေများနှင့် ဆွေးနွေးတိုင်ပင်ခြင်းသည် အကောင်းဆုံးဖြစ်သည်။
သင်စမ်းသပ်နေသည့် ဝဘ်ဆိုက်အမျိုးအစားများ သင်သည် OONI Probe ဆော့ဖဝဲလ်စနစ် အသုံးပြုရာမှတစ်ဆင့် (အချို့နိုင်ငံများတွင်) ဥပဒေကြောင်းအရ တားမြစ်ထားသည့် ကာမရာဂနှိုးဆွသော သို့မဟုတ် ခွင့်မပြုသော ဝဘ်ဆိုက်များကို စမ်းသပ်နိုင်ခြေရှိပါသည်။
သင်အသုံးပြုနေသည့် OONI Probe စမ်းသပ်မှု အမျိုးအစားများ OONI Probe ၏ စမ်းသပ်မှုအားလုံးတွင် ဖြစ်နိုင်ခြေရှိသော အန္တရာယ် အတိမ်အနက်မှာ မတူညီကြပါ။ ဥပမာ OONI Probe တွင် (အင်တာနက်ကွန်ရက်တစ်ခု၏ အမြန်နှုန်းနှင့် စွမ်းဆောင်ရည်ကို တိုင်းတာရန် ဒီဇိုင်းပြုလုပ်ထားသည့်) NDT test ပါဝင်၍ ၎င်းစမ်းသပ်မှုသည် ဝဘ်ဆိုက် သို့မဟုတ် အပလီကေးရှင်းများ တားဆီးခံရခြင်းကို တိုင်းတာသည့် အခြား စမ်းသပ်မှုများနှင့် နှိုင်းယှဥ်ပါက နိုင်ငံရေးနှင့်သက်ဆိုင်မှု (သို့) အငြင်းပွားဖွယ်ဖြစ်မှု နည်းသည်ဟု ယူဆနိုင်ပါသည်။
သင့်အနေဖြင့် သင့်တိုင်းတာမှုများကို ထုတ်ပြန်မှုပြုခြင်း သို့မဟုတ် မပြုခြင်း OONI သည် ကမ္ဘာတစ်လွှားတွင် အင်တာနက်ဆင်ဆာဖြတ်တောက်မှုဆိုင်ရာ ပွင့်လင်းမြင်သာမှုကို မြှင့်တင်ရန်ရည်ရွယ်၍ OONI Probe အသုံးပြုများထံမှ စုဆောင်း ထားသည့် တိုင်းတာမှုများကို ပွင့်လင်းစွာ ထုတ်ပြန်လေ့ရှိပါသည်။ သင်၏ IP လိပ်စာ သို့မဟုတ် ပုဂ္ဂိုလ်ရေးအရ သိသာနိုင်သောအချက်အလက်များကို ထုတ်ပြန်ခြင်း မပြုမိစေရန် ကျွန်ုပ်တို့က အစွမ်းကုန်ဆောင်ရွက်လျက်ရှိပါသည်။

OONI Probe အသုံးပြုခြင်းနှင့်ဆက်စပ်သည့် ဖြစ်နိုင်ခြေရှိသော ဘေးအန္တရာယ်များနှင့်ပတ်သက်၍ ပိုမိုသိရှိလိုပါက ကျွန်ုပ်တို့ထုတ်ပြန်ထားသည့် စာရွက်စာတမ်းများကို ရည်ညွှန်းကိုးကားနိုင်ပါသည် https://ooni.org/about/risks/

OONI Probe အသုံးပြုခြင်းနှင့်ဆက်စပ်သည့် ဘေးအန္တရာယ်တွေကို ဘယ်လို လျှော့ချနိုင်ပါလဲ။

ကျွန်ုပ်တို့သည် ရွေးချယ်မှု ကို တတ်နိုင်သမျှစုံလင်စေရန် ပံ့ပိုးထားပါသည်။ သို့မှသာ သင်သည် ဖြစ်နိုင်ခြေရှိသော ဘေးအန္တရာယ်များကို လျှော့ချနိုင်မည့်အပြင် သင့်အတွက် သက်တောင့်သက်သာဖြစ်စေမည့် ပုံစံအပေါ်မူတည်၍ OONI Probe အသုံးပြုမှုကို သင်နှင့်ကိုက်ညီစေရန် ပြုလုပ်နိုင်ပါမည်။

သင့်အနေဖြင့်

သင်ရွေးချယ်ထားသည့် ဝဘ်ဆိုက်များအား စမ်းသပ်ခြင်းကို အကန့်အသတ် ပြုလုပ်ပါ။ “OONI Probe mobile app တွင်ပါရှိသည့် ဝဘ်ဆိုဒ်များ ရွေးချယ်ရန် ခလုတ်သည်” သင်ရွေးချယ်ထားသည့် သီးသန့်ဝဘ်ဆိုက်များကို စမ်းသပ်နိုင်သည်။ သင်သည် OONI Run ပလက်ဖောင်း ကိုအသုံးပြု၍ စိတ်ကြိုက်ဝဘ်ဆိုက်စာရင်းတစ်ခုအား စမ်းသပ်နိုင်သည့်အပြင်၊ OONI Probe အသုံးပြုသူများက တိုင်းတာထားသော URLs များကို စမ်းသပ်မှုစာရင်းတွင် ထည့်သွင်းခြင်း ဖြင့် ကူညီနိုင်ပါသည်။
သင့်အတွက် ပို၍သက်တောင့်သက်သာဖြစ်စေမည့် စမ်းသပ်မှုများကို အကန့်အသတ်ပြုလုပ်စစ်ဆေးပါ။ OONI Probe အပလီကေးရှင်းမှတဆင့် (စမ်းသပ်မှုများ အလိုအလျောက် မလုပ်ဆောင်ခြင်းကို နဂိုမူလပုံစံ (Default) ထားရမည်။) ခလုတ်ကို နှိပ်ကာ စမ်းသပ်မှုတစ်ခုကို စတင်ရန် လိုအပ်သည်။
တိုင်းတာမှုများ မျှဝေခြင်းမှ ရှောင်ဖယ်ပါ။ သင့်အနေဖြင့် OONI Probe အပလီကေးရှင်းဆက်တင်များမှတစ်ဆင့် မည်သည့် OONI တိုင်းတာမှုကိုမဆို ပေးပို့ခြင်းမှ လုံးဝရှောင်ဖယ်နိုင်ပါသည်။ အဆိုပါအခြေအနေတွင် သင့်စမ်းသပ်မှုရလာဒ်များကို ထုတ်ပြန်မည်မဟုတ်ပါ။ (တိုင်းတာမှုများကို သင့်အပလီကေးရှင်းမှတစ်ဆင့် သင်သာ ဝင်ရောက်ကြည့်ရှုနိုင်မည်။)

OONI Probe ကို VPN ခံ၍ အသုံးပြုနိုင်ပါသလား။

သင်အသုံးပြုနေသည့် အင်တာနက်ကွန်ရက်ကို တိုင်းတာ၍ရမည် မဟုတ်သောကြောင့် VPN မှတစ်ဆင့် OONI Probe အသုံးပြုခြင်းကို ကျွန်ုပ်တို့ အားမပေးလိုပါ။ သင့် VPN အရ ဝန်ဆောင်မှုပေးသူ၏ အင်တာနက်ကွန်ရက်ကိုသာ သင် တိုင်းတာမိမည်ဖြစ်ပြီး ၎င်းကွန်ရက်သည် ဆင်ဆာဖြတ်တောက်မှုမရှိဘဲ ဖြစ်နိုင်သည်။

(ပြည်တွင်း အင်တာနက်အသုံးပြုသူတစ်ဦး၏ အတွေ့အကြုံအရ) အင်တာနက်ဆင်ဆာဖြတ်တောက်မှုကို မှတ်တမ်းရယူနိုင်ရန်အတွက် OONI Probe စမ်းသပ်မှုများကို မပြုလုပ်မီ၊ VPN (သို့မဟုတ် မည်သည့် ရှောင်တိမ်းခြင်းဆော့ဖ်ဝဲကိုမဆို) အား ပိတ်ပါ။

OONI က ဥပဒေကြောင်းရာ အကြံဥာဏ်များ ပေးနိုင်ပါသလား။

မပေးနိုင်ပါ။ ကျွန်ုပ်တို့သည် ဆော့ဖ်ဝဲတီထွင်သည့်အဖွဲ့ ဖြစ်သောကြောင့် မည်သည့် ဥပဒေကြောင်းရာ အကြံဥာဏ်ကိုမျှ ပေးနိုင်မည်မဟုတ်ပါ။

သို့ရာတွင် Probe အသုံးပြုခြင်းနှင့်စပ်လျဥ်း၍ သင်၏ ဥပဒေကြောင်းရာအကြံပေး/ ရှေ့နေများကို မေးမြန်းနိုင်ရန်အတွက် မေးခွန်းအချို့ကို ကျွန်ုပ်တို့က မျှဝေပေးထားပါသည်။ https://ooni.org/my/about/risks/#seeking-legal-advice

ဝဘ်ဆိုက်များကို စမ်းသပ်ခြင်း။

အင်တာနက်ဆင်ဆာဖြတ်တောက်မှုအတွက် OONI Probe ကို အသုံးပြု၍ မည်သည့်ဝက်ဘ်ဆိုက်များ၏ စမ်းသပ်နိုင်ပါလဲ။

OONI Probe အပလီကေးရှင်း “စမ်းရန်” ကို နှိပ်သည့်အခါ အောက်ဖော်ပြပါ စာရင်း ၂ ခုတွင် ပါဝင်သည့် ဝဘ်ဆိုက်များကို စမ်းသပ်နိုင်ပါမည်။

ကမ္ဘာလုံးဆိုင်ရာ စမ်းသပ်မှုစာရင်း တွင် နိုင်ငံတကာနှင့်သက်ဆိုင်သည့် (facebook.com ကဲ့သို့) ဝဘ်ဆိုက်များပါဝင်၍ အများစုမှာ အင်္ဂလိပ်ဘာသာစကားဖြင့် ရေးသားထားပါသည်။
နိုင်ငံတစ်ခုချင်းအလိုက် စမ်းသပ်မှုစာရင်း တွင် နိုင်ငံတစ်ခုချင်းနှင့်သက်ဆိုင်သည့် ဝဘ်ဆိုက်များပါဝင်၍ သက်ဆိုင်ရာနိုင်ငံသုံး ဘာသာစကားများဖြင့် ရေးသားထားပါသည်။

OONI Probe ကို မည်သည့်နိုင်ငံမှ သင် အသုံးပြုနေသည်ဖြစ်စေ ကမ္ဘာလုံးဆိုင်ရာ စမ်းသပ်မှုစာရင်း မှ ဝဘ်ဆိုက်များကို အချိန်မရွေး စမ်းသပ်နိုင်ပါသည်။

OONI Probe သည် သင် OONI Probe အသုံးပြုနေသည့် နိုင်ငံအပေါ်မူတည်၍ ရွေးချယ်စမ်းသပ်နိုင်သည့် နိုင်ငံတစ်ခုချင်းအလိုက် စမ်းသပ်မှုစာရင်းကို အလိုအလျောက် ဆုံးဖြတ်ပေးပါမည်။ ဥပမာ သင်သည် ဘရာဇီးနိုင်ငံတွင် OONI Probe ကို အသုံးပြုနေပါက သင့်သည် ကမ္ဘာလုံးဆိုင်ရာ စမ်းသပ်မှုစာရင်းနှင့် ဘရာဇီးနိုင်ငံ စမ်းသပ်မှုစာရင်း မှ ဝဘ်ဆိုက်များကို စမ်းသပ်နိုင်ပါသည်။ သင့်သည် ဂျာမနီနိုင်ငံသို့ ခရီးသွားရောက်၍ OONI Probe ကို အသုံးပြုနေပါက ကမ္ဘာလုံးဆိုင်ရာ စမ်းသပ်မှုစာရင်းနှင့် ဂျာမနီနိုင်ငံ စမ်းသပ်မှုစာရင်း မှ ဝဘ်ဆိုက်များကို စမ်းသပ်လိမ့်မည်။

စမ်းသပ်မှု စာရင်းများ ဆိုတာ ဘာလဲ။

စမ်းသပ်မှုစာရင်း ဆိုသည်မှာ ဆင်ဆာဖြတ်တောက်မှုအတွင် စမ်းသပ်ထားသော ဝဘ်ဆိုက်များ၏ စာရင်းတစ်ခု ဖြစ်ပါသည်။

OONI Probe သည် စမ်းသပ်မှု စာရင်းများကို ဘာကြောင့် အသုံးပြုရတာပါလဲ။

အင်တာနက်ပေါ်ရှိ ဝဘ်ဆိုက်အားလုံးအား စမ်းသပ်ခြင်းသည် အထူးသဖြင့် အသုံးပြုသူများသည် ဒေတာလွှဲပြောင်းနှုန်း (Bandwidth) အကန့်အသတ်အတွင်း၌ OONI Probe ကို အသုံးပြုနိုင်ခြင်းကြောင့်) ဖြစ်နိုင်ဖွယ်မရှိပါ။ ထို့ကြောင့် ဝဘ်ဆိုက်ရွေးချယ်မှုအတွက် စမ်းသပ်မှုကို ကန့်သတ်ရန် လိုအပ်ပါသည်။

စမ်းသပ်မှု စာရင်းများ ကို အသုံးပြုခြင်းဖြင့် အောက်ပါ အကျိုးကျေးဇူးများကို ရရှိပါသည်။

စာရင်းများတွင် တကမ္ဘာလုံးနှင့် သက်ဆိုင်သော ဝဘ်ဆိုက်များ (ကမ္ဘာလုံးဆိုင်ရာ စမ်းသပ်မှုစာရင်း) ပါဝင်ပါသည်။
စာရင်းများတွင် မှ ရွေးချယ်ထားသည့် နိုင်ငံတွင်းအသုံးပြုသူများနှင့် သက်ဆိုင်သည့် ဝဘ်ဆိုက်များ (နိုင်ငံတစ်ခုချင်းအလိုက် စမ်းသပ်မှုစာရင်း) ပါဝင်ပါသည်။
စာရင်းများသည် (အမျိုးအစားပေါင်း ၃၀ အောက်ရှိ URLs များအပါအဝင်) အမျိုးအစားစုံလင်ကွဲပြား ပြီး၊ ဆင်ဆာဖြတ်တောက်မှု အမှုအခင်းများကို ရှာဖွေဖော်ထုတ်ရန် အခွင့်အလမ်းများကို ပံ့ပိုးပေးထားပါသည်။
စာရင်းများသည် အများပြည်သူသိရှိစေရန် ထုတ်ပြန်ထားသည့်စာရင်းများ ဖြစ်သည့်အတွက် အသုံးပြုသူများသည် (စမ်းသပ်မှုများ မစတင်မီ) မည်သည့် ဝက်ဘ်ဆိုက်များအား စမ်းသပ်ရမည်ကို ကြိုတင် စစ်ဆေးနိုင်ပါသည်။
စာရင်းများကို GitHub တွင် ဖော်ပြထား၍ အများပြည်သူ၊ အဖွဲ့အစည်းများအနေဖြင့် ကြည့်ရှုသုံးသပ်ရန်၊ အားပေးကူညီရန် တိုက်တွန်းထားပါသည်။
စာရင်းများသည် GitHub တွင် ဖော်ပြထားသဖြင့် စမ်းသပ်ခြင်းအတွက် စာရင်းထဲသို့ ပေါင်းစပ်ခြင်းမပြုမီ ဝဘ်ဆိုက်အသစ်များကို ဂရုတစိုက် စစ်ဆေးနိုင်ပါသည်။ (ဤနည်းအားဖြင့် နှောက်ယှက်ဖျက်ဆီးရေးဝဘ်ဆိုက်များ ထည့်သွင်းခြင်းမပြုနိုင်စေရန် ကာကွယ်နိုင်ပါသည်။)
စာရင်းများကို စက်က ဖတ်ရှုနိုင် ၍ OONI Probe သည် ၎င်းစာရင်းများကို စမ်းသပ်ခြင်းအတွက် အလွယ်တကူအသုံးပြုနိုင်သော အကျိုးကျေးဇူး ရရှိပါသည်။

စမ်းသပ်မှု စာရင်းများရှိ ဝဘ်ဆိုက်အားလုံးကို OONI Probe မိုဘိုင်းအပလီကေးရှင်းက ဘာကြောင့် စမ်းသပ်ခြင်းမပြုနိုင်ရတာလဲ။{}#why-doesnt-the-ooni-probe-mobile-app-test-all-of-the-websites-in-test-lists

ဒေတာလွှဲပြောင်းနှုန်း (Bandwidth) အကန့်အသတ်များကြောင့် OONI Probe မိုဘိုင်းအပလီကေးရှင်းဖြင့် ဝဘ်ဆိုက်စမ်းသပ်ရန်ကြာချိန်ကို ၉၀ စက္ကန့် ပုံသေ သတ်မှတ်ထားပါသည်။ OONI Probe သည် ကမ္ဘာလုံးဆိုင်ရာ နှင့် နိုင်ငံတစ်ခုချင်းအလိုက် စာရင်း) မှ ကျပန်းနမူနာ ဝက်ဘ်ဆိုက်များ ကို ရွေးချယ်၍ စက္ကန့် ၉၀ အတွင်း ဝက်ဘ်ဆိုက် များနိုင်သမျှများစွာ ချိတ်ဆက်ပေးပါသည်။

OONI Probe ဒက်စတော့အပလီကေးရှင်းသည် ကမ္ဘာလုံးဆိုင်ရာ နှင့် နိုင်ငံတစ်ခုချင်းအလိုက် စာရင်း) မှ ဝဘ်ဆိုက်အားလုံးကို တဆက်တည်း စမ်းသပ်ပြီး၊ စမ်းသပ်ထားသည့် ဝဘ်ဆိုက်အရေအတွက်ကို အပလီကေးရှင်းဆက်တင်တွင် သင် ကန့်သတ်နိုင်ပါသည်။

နောက်ထပ်ဝဘ်ဆိုက်တွေကို စမ်းသပ်နိုင်ဖို့အတွက် OONI Probe မိုဘိုင်းအပလီကေးရှင်းမှာ စမ်းသပ်မှုကြာချိန်ကို ဘယ်လို ပြောင်းလဲနိုင်ပါသလဲ။

(Citizen Lab ၏ စမ်းသပ်မှုစာရင်းများမှ) ဝက်ဆိုက်အားလုံးအား မည်သို့စမ်းသပ်ရမည်ဖြစ်ကြောင်း အဆင့်လိုက် လမ်းညွှန်ချက်များကို (Screenshot များနှင့်တကွ) အောက်ဖော်ပြပါ အသုံးပြုသူ လမ်းညွှန်များတွင် ကြည့်ရှုနိုင်ပါသည်။

ကျွန်တော်/ကျွန်မနိုင်ငံရဲ့ စမ်းသပ်မှုစာရင်းကို ဘယ်လို ရှာဖွေနိုင်ပါလဲ။

နိုင်ငံတစ်ခုချင်းအလိုက် စမ်းသပ်မှုစာရင်းကို GitHub ပေါ်ရှိ Citizen Lab ၏ စမ်းသပ်မှုစာရင်းများ တွင် CSV ဖိုင်အဖြစ် သိမ်းဆည်းထားပါသည်။

၎င်းဖိုင်များကို အောက်ပါပုံစံဖြင့် သိမ်းဆည်းထားရှိပါသည် country code dot.csv ဥပမာ ဘရာဇီးနိုင်ငံ စမ်းသပ်မှုစာရင်းကို br.csv ဟုဖော်ပြထားပါသည်။ (“BR” သည် ဘရာလ်ဇီးနိုင်ငံ၏ ကုဒ်ဖြစ်သည်။)

ထို့ကြောင့် သင်သည် သင့်နိုင်ငံ၏ စမ်းသပ်မှုစာရင်းကို နိုင်ငံကုဒ်များသိမ်းဆည်းထားသည့် CSV ဖိုင် တွင် ရှာဖွေနိုင်သည်။

ဘာကြောင့် ကျွန်တော်/ကျွန်မရဲ့နိုင်ငံမှာ စမ်းသပ်မှုစာရင်း မရှိတာပါလဲ။

သင့်နိုင်ငံအတွက် စမ်းသပ်မှုစာရင်းကို မတွေ့ရှိပါက အဆိုပါစာရင်းကို မပြုစုရသေးသောကြောင့် ဖြစ်နိုင်ပါသည်။ ဤဖြစ်ရပ်မျိုးတွင် OONI Probe သည် ကမ္ဘာလုံးဆိုင်ရာ စမ်းသပ်မှု စာရင်းတွင်ပါဝင်သော ဝဘ်ဆိုက်များကိုသာ စမ်းသပ်မည် ဖြစ်ပါသည်။

သင့်နိုင်ငံအတွက် စမ်းသပ်မှုစာရင်း ပြုစုရန် ကျွန်ုပ်တို့ ကို ကူညီပါ။

စမ်းသပ်မှု စာရင်းများမှာ ပါဝင်ရမယ့် ဝဘ်ဆိုက်များကို ဘယ်သူက ဆုံးဖြတ်ပါသလဲ။

မည်သူမဆို ဆုံးဖြတ်နိုင်ပါသည်! စမ်းသပ်မှုစာရင်းများအား Citizen Lab က GitHub ပေါ်တွင် အများပြည်သူ ကြည့်ရှု သုံးသပ်ရန်နှင့် ကူညီပံ့ပိုးပေးရန် ထုတ်ပြန်ထားသည်။

စမ်းသပ်မှုစာရင်းတွင်ပါဝင်သည့် ဝက်ဘ်ဆိုက်များအား သုံးသပ်ရန်နှင့် ထပ်မံဖြည့်စွက်သင့်သည့် URLs ကို အကြံပြုရန် ကျွန်ုပ်တို့က တိုက်တွန်းလိုပါသည်။

ကျွန်တော်/ကျွန်မ အနေဖြင့် အဆိုပါ စမ်းသပ်မှု စာရင်းများနှင့် ပတ်သက်၍ ဘယ်လို ပါဝင်ကူညီနိုင်ပါမည်လဲ။

သင့်အနေဖြင့် ၏ ဆင်ဆာဖြတ်တောက်မှု စမ်းသပ်ခြင်းအတွက် ဝဘ်ဆိုက်များကို အောက်ပါ ပလက်ဖောင်းများမှတစ်ဆင့် ထည့်သွင်းနိုင်ပါသည်။

ကျွန်တော်/ကျွန်မသည် GitHub အသုံးပြုသူတစ်ဦး မဟုတ်ပါ။ သို့ရာတွင် စမ်းသပ်ခြင်းအတွက် URL များကို ပေးပို့တင်ပြချင်လျှင် ဘယ်လိုလုပ်ဆောင်နိုင်ပါသလဲ။{im-not-a-github-user-but-id-still-like-to-submit-urls-for-testing-how-can-i-do-so}

စမ်းသပ်မှုစာရင်းအတွက် အကောင်းဆုံးထည့်သွင်းမှုအချို့သည် GitHub အသုံးမပြုသူများ(လူမှုသိပ္ပံပညာရှင်များ စသည်) ထံမှ လာသည်။ စမ်းသပ်မှု စာရင်းများကို အချိန်နှင့်တစ်ပြေးညီ မွမ်းမံရာတွင် နိုင်ငံ၏ လူမှုရေးနှင့် နိုင်ငံရေး အခင်းအကျင်းကို နားလည်ရန် လိုအပ်ပါသည်။

သင်သည် GitHub အသုံးပြုသူတစ်ဦး မဟုတ်သော်လည်း စမ်းသပ်မှုစာရင်းများတွင် ထည့်သွင်းလိုသည့်အခါ ကျွန်ုပ်တို့၏ စမ်းသပ်မှု စာရင်းများ အယ်ဒီတာ မှတစ်ဆင့် ဆောင်ရွက်နိုင်ပါသည်။

ကျွန်ုပ်တို့၏ စမ်းသပ်မှု စာရင်းများ အယ်ဒီတာ လမ်းညွှန် နှင့် Screen Cast ကို ရည်ညွှန်းကိုးကားနိုင်ပါသည်။

စမ်းသပ်မှု စာရင်းနဲ့ ပိတ်ဆို့ခံရမှု စာရင်းအကြား ကွာခြားချက်က ဘာပါလဲ။

စမ်းသပ်မှု စာရင်းဆိုသည်မှာ ပိတ်ဆို့ ခံရမှု ရှိ၊ မရှိ ကျွန်ုပ်တို့ စမ်းသပ်ထားသည့် ဝက်ဘ်ဆိုက်များစာရင်း ဖြစ်ပါသည်။

ပိတ်ဆို့ခံရမှု စာရင်းဆိုသည်မှာ (ဥပဒေကြောင်းအရ) တားမြစ်ပိတ်ပင်ထား၍ မကြာခဏပိတ်ဆို့ထားသော ဝဘ်ဆိုက်များစာရင်း ဖြစ်ပါသည်။

အချို့သောအစိုးရများသည် နိုင်ငံတစ်ခုအတွင်း တားမြစ်ပိတ်ပင်ရန် သတ်မှတ်ထားသည့် ဝက်ဘ်ဆိုက်စာရင်းများပါဝင်သည့် ပိတ်ဆို့ခံရမှု စာရင်းများကို ရံဖန်ရံခါ တရားဝင် ထုတ်ပြန်လေ့ရှိသည် (သို့မဟုတ် တနည်းနည်းဖြင့် ပေါက်ကြားလေ့ရှိသည်)။ အဆိုပါ ပိတ်ဆို့ခံရမှု စာရင်းများတွင် ပါဝင်သည့် ဝဘ်ဆိုက်အားလုံးသို့ ဝင်ရောက်ရာလမ်းကြောင်းကို ပိတ်ဆို့ထားရန် အင်တာနက်ဝန်ဆောင်မှုပေးသူများအား ညွှန်ကြားထားပါသည်။ ထိုပိတ်ဆို့ခံရမှု စာရင်းများတွင် အဆိုပါနိုင်ငံအတွင်း ဥပဒေကြောင်းရာနှင့်ဆန့်ကျင်သည့် အကြောင်းအရာ (လောင်းကစား၊ ဖိုင်မျှဝေရေးနှင့် အရွယ်ရောက်ပြီးသူများဆိုင်ရာ အကြောင်းအရာများ စသည့်) ပါဝင်သော URL များ ရာပေါင်း (သို့မဟုတ် ထောင်ပေါင်း) များစွာ ပါဝင်လေ့ရှိပါသည်။

တစ်နည်းအားဖြင့် စမ်းသပ်မှု စာရင်းများသည် ပိတ်ဆို့ထားသောဝဘ်ဆိုက်များအား ကန့်သတ်ထားရန် မဟုတ်ပါ။ ၎င်းတို့သည် မူဝါဒများ ပြောင်းလဲသည့်အခါ အများဆုံး ပိတ်ဆို့ခံရနိုင်ခြေရှိသည့် သို့မဟုတ် မရှိသည့် အရာကို စောင့်ကြည့်ရန် ရည်ရွယ်ချက်ဖြင့် ဆောင်ရွက်ပေးခြင်းသာဖြစ်သည်။

ဝဘ်ဆိုက်များကို စမ်းသပ်မှု စာရင်းတွင် ထည့်သွင်းသောအခါ ပိတ်ဆို့ထားသည်ဟု သိရှိထားသည့် အချို့ ဝဘ်ဆိုဒ်များသည် စမ်းသပ်မှု စာရင်းများတွင် ပါဝင်နိုင်ပြီး၊ (၎င်းသည် အင်တာနက်ဝန်ဆောင်မှုပေးသူများ အသုံးပြုသော ဆင်ဆာဖြတ်တောက်ခြင်းနည်းပညာများကို ရှာဖွေရာ၌ အသုံးဝင်သည်။) ဝဘ်ဆိုက်အများစုသည် နိုင်ငံအတွင်း ဆင်ဆာဖြတ်တောက်ခြင်းမခံရပေ။

ကျွန်ုပ်တို့သည် စမ်းသပ်စာရင်းများဖြင့် ၎င်းကို အတည်ပြုရုံသာမက (ယခင်က ဝင်ရောက်ကြည့်ရှုနိုင်သော ဝဘ်ဆိုက်များအား ပိတ်ဆို့ထားကြောင်း ဖော်ထုတ်ခြင်းဖြင့်) အင်တာနက်ဆင်ဆာဖြတ်တောက်မှုကို ရှာဖွေတွေ့ရှိရန် ရည်ရွယ်သည်။

OONI Probe က ဘယ်ဝဘ်ဆိုက်အမျိုးအစားများကို စမ်းသပ်ပါသလဲ။

OONI Probe သည် ကွဲပြားသောအမျိုးအစားပေါင်း ၃၀ အောက်ရှိ Citizen Lab စမ်းသပ်မှုစာရင်းများ တွင်ပါဝင်သော ဝဘ်ဆိုက်များကို စမ်းသပ်သည်။

ဤအမျိုးအစားများတွင် သတင်းမီဒီယာ၊ ယဉ်ကျေးမှုနှင့် လူ့အခွင့်အရေး ကိစ္စရပ်များမှအစ ညစ်ညမ်း ရုပ်ပုံစာပေ(အင်တာနက်ဝန်ဆောင်မှုပေးသူများက လက်ခံကျင့်သုံးသော ဆင်ဆာဖြတ်တောက်မှု နည်းပညာများကို ထောက်လှမ်းခြင်းအရ ၎င်းတို့သည် ပိတ်ဆို့ခံရနိုင်ခြေ ပိုများသောကြောင့် ထည့်သွင်းထားခြင်းဖြစ်သည်) ကဲ့သို့သော ကာမရာဂနှိုးဆွသော သို့မဟုတ် ခွင့်မပြုသောဝဘ်ဆိုက် အမျိုးအစားအထိ ပါဝင်သည်။

ကျွန်တော်/ကျွန်မသည် စမ်းသပ်ရမည့်ဝဘ်ဆိုက်အမျိုးအစားများကို ဘယ်လို ရွေးချယ်နိုင်ပါသလဲ။

နဂိုမူလစနစ်အရ OONI Probe သည် စံသတ်မှတ်ထားသော အမျိုးအစားပေါင်း ၃၀ အောက်ရှိ ဝဘ်ဆိုက်များကို စမ်းသပ်မည်။

ကျွန်ုပ်တို့၏ အောက်ပါလမ်းညွှန်ချက်များတွင် မျှဝေထားသော အဆင့်ဆင့်ညွှန်ကြားချက်များကို လိုက်နာခြင်းဖြင့် သက်ဆိုင်ရာဝဘ်ဆိုက် အမျိုးအစားများတွင်(ဥပမာ- မီဒီယာ ဝဘ်ဆိုက်များကိုသာ စမ်းသပ်ခြင်း) သင့်စမ်းသပ်ခြင်းကို ကန့်သတ်ထားနိုင်သည်။

ကျွန်တော်/ကျွန်မသည် စမ်းသပ်ရမည့်ဝဘ်ဆိုက်များကို ဘယ်လို ရွေးချယ်နိုင်ပါသလဲ။

ကျွန်ုပ်တို့၏ အောက်ပါလမ်းညွှန်ချက်များတွင် မျှဝေထားသော အဆင့်ဆင့်ညွှန်ကြားချက်များမှတဆင့် (စမ်းသပ်မှု စာရင်းများ) တွင်ပါရှိသော ဝဘ်ဆိုက်များထက်) သင်ရွေးချယ်ထားသောဝဘ်ဆိုက်များကို သင် စမ်းသပ်နိုင်ပါသည်။

ကျွန်တော်/ကျွန်မသည် စိတ်ကြိုက်ရွေးချယ်ထားသည့် URL စာရင်းကို ဘယ်လို စမ်းသပ်နိုင်ပါသလဲ။

သင်သည် ဝဘ်ဆိုက်များ၏ ရှည်လျားသောစာရင်းကို စမ်းသပ်လိုပါက OONI Probe မိုဘိုင်းအပလီကေးရှင်းရှိ “ဝဘ်ဆိုဒ်များ ရွေးချယ်ရန်”ဟူသော ခလုတ်မှတဆင့် ၎င်းတို့ကို တစ်ခုပြီးတစ်ခု ထည့်သွင်းခြင်းသည် ကောင်းမွန်သော ရွေးချယ်မှုတစ်ခု မဖြစ်နိုင်ပါ။

OONI Probe မိုဘိုင်း အတွက် ကျွန်ုပ်တို့၏လမ်းညွှန်ချက်များရှိ အဆင့်ဆင့်ညွှန်ကြားချက်များမှတဆင့် သင့် ကိုယ်ပိုင် စိတ်ကြိုက် URL များစာရင်းကို စမ်းသပ်နိုင်သည်။

OONI အချက်အလက်များ

OONI အချက်အလက်များ ဆိုတာ ဘာလဲ။

OONI အချက်အလက်များ သည် OONI Probe စမ်းသပ်မှုများ မှတဆင့် စုဆောင်းထားသော အင်တာနက်ကွန်ရက်တိုင်းတာမှုများ ဖြစ်သည်။

OONI သည် အချက်အလက်များကို ဘာကြောင့် ထုတ်ပြန်ရတာပါလဲ။

ကျွန်ုပ်တို့ OONI သည် ကမ္ဘာတစ်ဝှမ်းမှ OONI Probe တိုင်းတာမှုများ အားလုံးကို အောက်ပါတို့အတွက် အချိန်နှင့်တစ်ပြေးညီ ထုတ်ပြန်ပေးပါသည်-

အင်တာနက်ဆင်ဆာဖြတ်တောက်မှု နှင့် အခြားကွန်ရက်နှောင့်ယှက်မှုပုံစံများကို ပွင့်လင်းမြင်သာမှု တိုးမြင့်စေရန်၊
အင်တာနက် စိစစ်ဖြတ်တောက်မှု နှင့် အခြားကွန်ရက်နှောင့်ယှက်မှုပုံစံများ၏ အထောက်အထားများ ကို မျှဝေရန်၊
ကျွန်ုပ်တို့တွေ့ရှိချက်များအတွက် သီးခြားအတည်ပြုချက် ကို ခွင့်ပြုပေးရန်၊
ပြန်လည်ထုတ်လုပ်ပေးနိုင်သော သုတေသန အား ပံ့ပိုးကူညီရန်၊
ကမ္ဘာတစ်ဝှမ်းရှိ သုတေသန၊ မူဝါဒ၊ ဥပဒေရေးရာနှင့် စည်းရုံးရေးဆိုင်ရာ ကြိုးပမ်းအားထုတ်မှုများ အား ပံ့ပိုးကူညီရန်။
သတင်းအချက်အလက်ထိန်းချုပ်မှုများနှင့်ပတ်သက်သည့် အများသူငှာ ဆွေးနွေး ငြင်းခုံမှုများ အား ပံ့ပိုးကူညီရန်။

OONI အချက်အလက်များကို ဘယ်နေရာမှာ ထုတ်ပြန်ပါသလဲ။

ကျွန်ုပ်တို့သည် အောက်ပါ အရင်းမြစ်များမှတဆင့် ကမ္ဘာတစ်ဝှမ်းလုံးမှ တိုင်းတာမှုများကို အချိန်နှင့်တစ်ပြေးညီ ထုတ်ပြန်ပေးသည်-

OONI Explorer: OONI တိုင်းတာမှုများကို ရှာဖွေရန်အတွက် Web interface
OONI API: raw data ကို JSON format ဖြင့် ဒေါင်းလုဒ်ဆွဲခြင်း။

ကျွန်တော်/ကျွန်မသည် OONI အချက်အလက်များကို ဘယ်လိုအဓိပ္ပာယ်ကောက်ယူနိုင်ပါသလဲ။

OONI တိုင်းတာမှုတစ်ခုစီကို OONI Probe စမ်းသပ်မှုတစ်ခုမှ ထုတ်ပြန်ပေးပါသည်။ OONI Probe စမ်းသပ်မှုတစ်ခုစီ၏ လုပ်ဆောင်ချက်များ အပေါ်မူတည်၍ OONI တိုင်းတာမှုတစ်ခုစီတွင် အလွန် တိကျသော အချက်အလက်ပုံစံ တစ်ခုရှိသည်။ ထို့ကြောင့် အချက်အလက်များသည် စမ်းသပ်မှုတစ်ခုနှင့် တစ်ခုတွင် တူညီမှုမရှိပါ။

ယေဘုယျအားဖြင့် OONI Probe စမ်းသပ်မှုများသည် အောက်ပါ ရလဒ်သုံးမျိုးထဲမှ တစ်ခုကို ပြသလိမ့်မည် -

ပုံမှန်တိုင်းတာမှု။ “ပုံမှန်” တိုင်းတာမှုတစ်ခုသည် သာမန်ထက် မထူးခြားသည့် မျှော်လင့်ထားသောအဖြေပါသည့် စမ်းသပ်ခြင်းရလဒ်တစ်ခုဖြစ်သည်။ ဝဘ်ဆိုက်များနှင့် အပလီကေးရှင်းများကို စမ်းသပ်စဉ်၊ “ပုံမှန်” တိုင်းတာမှုတစ်ခုသည် ၎င်းတို့ကို ဝင်ရောက်နိုင်သည်ဟု ယူဆသောအခါ ဖြစ်ပေါ်သည်။ ကွန်ရက်သုံးပစ္စည်း (Middlebox) စမ်းသပ်မှုများတွင် “ပုံမှန်” တိုင်းတာမှုသည် Middlebox များကို ရှာမတွေ့သည့်အခါတွင် ဖြစ်ပေါ်သောကြောင့် အင်တာနက်ကွန်ရက်ကို နှောင့်ယှက်ဖျက်ဆီးခြင်းနှင့်ပတ်သက်၍ ရှင်းလင်းသော လက္ခဏာများ မရှိပါ။
မူမမှန်ခြင်း။ “မူမမှန်သော” တိုင်းတာမှုတစ်ခုသည် ကွန်ရက်နှောက်ယှက်မှု၏ ဖြစ်နိုင်ခြေလက္ခဏာများ (ဥပမာ ဝဘ်ဆိုက် သို့မဟုတ် အပလီကေးရှင်းအား ပိတ်ဆို့ခြင်း၊ သို့မဟုတ် middlebox တစ်ခု ရှိနေခြင်း) ကို ဖော်ပြသောကြောင့် အလံပြထားသည့် စမ်းသပ်ခြင်းရလဒ်တစ်ခုဖြစ်သည်။ မူမမှန်သော တိုင်းမှုတစ်ခုသည် မရှိကို အရှိအဖြစ် ညွှန်ပြသောရလဒ် (false Positive) တစ်ခု ဖြစ်နိုင်သောကြောင့် အင်တာနက်ဆင်ဆာဖြတ်တောက်မှုအတွက် သက်သေအထောက်အထားများ မပါဝင်ပါ။ အဓိကအနေဖြင့် မူမမှန်သော တိုင်းတာမှုတစ်ခုသည် တစ်ခုခုမှားယွင်းနေကြောင်းနှင့် ဖြစ်ပျက်နေသည့်အရာကို ဆုံးဖြတ်ရန် တိုင်းတာမှုအချက်အလက်များကို ကျွန်ုပ်တို့ ပိုမိုအလေးအနက်ထား၍ ကြည့်ရှုသင့်ကြောင်း အချက်ပြသည်။
အတည်ပြုထားသော ပိတ်ဆို့မှု။ ကျွန်ုပ်တို့သည် စမ်းသပ်ထားသော ရင်းမြစ်ကို ပိတ်ဆို့ထားကြောင်း လုံးဝသေချာသောအခါ၊ တိုင်းတာမှုတစ်ခုသည် ““အတည်ပြုထားသော ပိတ်ဆို့မှု”” ဖြစ်သည်။ ကျွန်ုပ်တို့၏ လက်ရှိဆန်းစစ်မှုများအရ အင်တာနက်ဝန်ဆောင်မှုပေးသူ (ISP) တစ်ဦးသည် ပိတ်ဆို့ထားသော စာမျက်နှာတစ်ခုကို ဝန်ဆောင်မှုပေး သောအခါ သို့မဟုတ် DNS resolution က ဆင်ဆာဖြတ်တောက်မှုတွဲလျက် IP လိပ်စာတစ်ခုကို ပြန်ပေးသည့်အခါမှသာ ၎င်းအတည်ပြုပိတ်ဆို့မှုသည် ဝဘ်ဆိုက်များတွင် စမ်းသပ်နိုင်သည်။

ကျွန်တော်/ကျွန်မသည် OONI အချက်အလက်များကို ဘယ်လိုရယူ၍ ဆန်းစစ်နိုင်ပါသလဲ။

သင့်တွင် အောက်ပါရွေးချယ်စရာများ ရှိသည်-

Amazon S3. Amazon Open Data program ၏ကျေးဇူးကြောင့် OONI အချက်အလက်အစုတစ်ခုလုံးကို ooni-data Amazon S3 bucket မှ ရယူနိုင်ပါသည်။ ကျွန်ုပ်တို့၏ သက်ဆိုင်ရာ blog post မှတဆင့် ပိုမိုလေ့လာနိုင်ပါသည်။
OONI API. သင်သည် OONI API မှတဆင့် OONI တိုင်းတာမှုအားလုံးကို JSON format ဖြင့် ဒေါင်းလုဒ်ဆွဲနိုင်ပါသည်။ ကျွန်ုပ်တို့၏ documentation မှတဆင့် API အား မည်သို့မေးမြန်းရမည်ကို လေ့လာနိုင်ပါသည်။

(ဥပမာ၊ မေးမြန်းချက်များလုပ်ဆောင်ရန် နိုင်ငံတစ်ခုမှ တိုင်းတာမှုအားလုံးကို ဒေါင်းလုဒ်ဆွဲခြင်းအပါအဝင်) OONI အချက်အလက်အများအပြားနှင့် အလုပ်လုပ်ရန် စီစဉ်နေပါက၊ S3 bucket မှ OONI အချက်အလက်များကို ရယူရန် အကြံပြုပါသည်။

(OONI Explorer ကဲ့သို့) အခြားနည်းလမ်းများသည် OONI API ပေါ်တွင်မူတည်လျှင် ပေါ့ပါးသောမေးခွန်းများအတွက် API အသုံးပြုမှုအား ကန့်သတ်ခြင်းသည် အကောင်းဆုံးဖြစ်သည်။ (၎င်း API အပေါ် မှီခိုနေ‌သော အခြားနည်းလမ်းများ၏ စွမ်းဆောင်ရည်ကို မထိခိုက်စေရန်)

OONI Explorer

OONI Explorer ဆိုတာ ဘာလဲ။

OONI Explorer သည် ကမ္ဘာတစ်ဝှမ်းရှိ အင်တာနက်ဆင်ဆာဖြတ်တောက်မှုများနှင့်ပတ်သက်သည့် ပွင့်လင်းအချက်အလက် အရင်းအမြစ်တစ်ခု ဖြစ်သည်။ ၎င်းသည် ၂၀၁၂ ခုနှစ်မှစတင်၍ နိုင်ငံပေါင်း ၂၀၀ ကျော်မှ စုဆောင်းထားသော OONI တိုင်းတာမှု တစ်ဘီလီယံ (တစ်ကုဋေ) ကျော်ကို လက်ခံဆောင်ရွက်ခဲ့ပါသည်။ ကမ္ဘာတစ်ဝှမ်းမှ OONI တိုင်းတာမှုအသစ် သိန်းပေါင်းများစွာကို OONI Explorer တွင် ပွင့်လင်းမြင်သာစွာ နေ့စဉ်ထုတ်ပြန်လျက်ရှိပါသည်။

ကျွန်တော်/ကျွန်မသည် ပိတ်ဆို့ခံထားရတဲ့ ဝဘ်ဆိုက်များကို OONI Explorer မှတစ်ဆင့် ဘယ်လိုရှာဖွေနိုင်ပါမည်လဲ။

ကမ္ဘာတစ်ဝှမ်းရှိ မကြာသေးမီက ပိတ်ဆို့ထားသော ဝဘ်ဆိုဒ်များကို အောက်ပါအဆင့်များမှတဆင့် ကြည့်ရှုနိုင်သည်

၁။ OONI Explorer သို့ ဝင်ရောက်ပါ။

၂။ (ညာဘက်အပေါ်ထောင့်) ရှိ “ရှာဖွေရန်” ကိုနှိပ်ပါ။

၃။ (ဘယ်ဘက် filter options ၌ ရှိသော “အခြေအနေ” အောက်တွင်) “အတည်ပြုထားသည်” ကို ရွေးပါ။

၄။ “ရလဒ်များ စစ်ထုတ်ရန်” ကိုနှိပ်ပါ။

(OONI Probe စမ်းသပ်ခြင်းအပေါ် အခြေခံ၍) ကမ္ဘာတဝှမ်းရှိ အတည်ပြုပိတ်ဆို့ထားသည့် ဝဘ်ဆိုက်များကိုသာ ပြသရန် OONI Explorer တိုင်းတာမှုအားလုံးကို ယခု စစ်ထုတ်ပါမည်။

ပိတ်ဆို့ထားကြောင်း ဖြစ်နိုင်ချေရှိသော ဝဘ်ဆိုက်များကို ကြည့်ရှုရန်

၁။ (OONI Explorer) ညာဘက်အပေါ်ထောင့်ရှိ “ရှာဖွေရန်” ကိုနှိပ်ပါ ။

၂။ (ဘယ်ဘက် filter options များ ရှိ “အခြေအနေ” အောက်တွင်) “မူမမှန်မှုများ” ကိုရွေးချယ်ပါ။

၃။ “ရလဒ်များ စစ်ထုတ်ရန်” ကိုနှိပ်ပါ။

သို့သော် ၎င်းတို့တွင် မရှိကို အရှိအဖြစ် ညွှန်ပြသောရလဒ်များ ပါဝင်နိုင်သောကြောင့် ဤရလဒ်များကို သတိထား၍ အဓိပ္ပာယ်ပြန်ဆိုပါ။

ကျွန်တော်/ကျွန်မသည် တိုင်းတာမှုများကို ဘယ်လိုဝင်ရောက်ရယူနိုင်ပါမည်လဲ။

OONI တိုင်းတာမှုများ (ဆိုလိုသည်မှာ OONI Probe စမ်းသပ်မှုရလဒ်များ) ကို အောက်ပါအဆင့်များမှတဆင့် ရှာဖွေနိုင်သည်

၁။ OONI Explorer သို့ ဝင်ရောက်ပါ။

၂။ (ညာဘက်အပေါ်ထောင့်) ရှိ“ရှာဖွေရန်” ကိုနှိပ်ပါ။

နိုင်ငံကုဒ်များ၊ ASN များ၊ ရက်စွဲများနှင့် စမ်းသပ်မှုအမည်များပါဝင်သော (Search page တွင်) သင် ယခုမြင်ရမည့်အတန်းတိုင်းသည် – တိုင်းတာမှုတစ်ခုစီ (OONI Probe စမ်းသပ်မှုရလဒ်) ဖြစ်သည်။

ဥပမာအားဖြင့်

OONI တိုင်းတာမှုများ

၁။ ၎င်းကိုဝင်ရောက်ကြည့်ရှုရန် တိုင်းတာမှုတစ်ခုစီကို နှိပ်ပါ။

တိုင်းတာမှုစာမျက်နှာတစ်ခု၏ ဥပမာတစ်ခုမှာ

OONI တိုင်းတာမှု စာမျက်နှာ

ကျွန်တော်/ကျွန်မသည် OONI အချက်အလက်များကို OONI Explorer မှတဆင့် ဘယ်လိုရှာဖွေရပါမည်လဲ။

သင်သည် မည်သည့် OONI တိုင်းတာမှု စာမျက်နှာ (ဥပမာ measurement page) ကိုမဆို အောက်သို့ဆွဲ၍ ကြည့်လျှင် သင်သည် JSON format ဖြင့် ဒေါင်းလုဒ်လုပ်နိုင်သည့် ကွန်ရက်တိုင်းတာမှု မူကြမ်းအချက်အလက်များ ကို မြင်နိုင်မည်။

ကွန်ရက်တိုင်းတာမှု အချက်အလက်များသည် ၎င်းကိုထုတ်လုပ်ခဲ့သည့် OONI Probe စမ်းသပ်မှု ပေါ်မူတည်၍ ကွဲပြားပါမည်။

ကျွန်တော်/ကျွန်မသည် တိုင်းတာမှုတွင် “အင်တာနက် ဆင်ဆာဖြတ်တောက်မှု သက်သေအထောက်အထားများ” ကို ဘယ်လိုရှာဖွေရပါမည်လဲ။

ပထမဦးစွာ စဉ်းစားရန်အချက်နှစ်ချက် ရှိသည်

သက်ဆိုင်ရာ OONI Probe စမ်းသပ်မှု ကို အစကတည်းက အင်တာနက်ဆင်ဆာဖြတ်တောက်မှုအား တိုင်းတာရန် ဒီဇိုင်းရေးဆွဲထားမှသာလျှင် တိုင်းတာမှုတစ်ခုတွင် အင်တာနက် ဆင်ဆာဖြတ်တောက်ခြင်းမှု အထောက်အထားများ ပါဝင်နိုင်သည်။
ကျွန်ုပ်တို့၏ လက်ရှိဆန်းစစ်မှုများအရ အင်တာနက်ဝန်ဆောင်မှုပေးသူ (ISP) တစ်ဦးသည် ဝဘ်ဆိုက်တစ်ခုအတွက် ပိတ်ဆို့ထားသော စာမျက်နှာတစ်ခုကို ဝန်ဆောင်မှုပေးသောအခါ သို့မဟုတ် DNS resolution က ဆင်ဆာဖြတ်တောက်မှုတွဲလျက် IP လိပ်စာတစ်ခုကို ပြန်ပေးသည့်အခါမှသာ ကျွန်ုပ်တို့သည် အင်တာနက်ဆင်ဆာဖြတ်တောက်မှုကို အလိုအလျောက် အတည်ပြုနိုင်သည်။

ယင်းကိုအခြေခံ၍ အင်တာနက်ဆင်ဆာဖြတ်တောက်ခြင်းမှု အထောက်အထားများကို အောက်ပါအဆင့်များမှတဆင့် သင် အလွယ်တကူရှာဖွေနိုင်သည်။

၁။ (OONI Explorer) ၏ ညာဘက်အပေါ်ထောင့်ရှိ “ရှာဖွေရန်” ကိုနှိပ်ပါ။

၂။ (ဘယ်ဘက် filter options များမှ “အခြေအနေ” အောက်တွင်) “အတည်ပြုထားသည်” ကို ရွေးပါ။

၃။ “ရလဒ်များ စစ်ထုတ်ရန်” ကိုနှိပ်ပါ။

ကမ္ဘာတစ်ဝှမ်းရှိ အင်တာနက်ဝန်ဆောင်မှုပေးသူများသည် ပိတ်ဆို့ထားသော စာမျက်နှာများကို ဝန်ဆောင်မှုပေးသည့် ဝဘ်ဆိုက်များကိုသာ ပြသရန် OONI တိုင်းတာမှုအားလုံးကို ယခု စစ်ထုတ်ပါမည်။ ရလဒ်များကို လတ်တလောဖြစ်ရပ်များမှ စာရင်းပြုစုထားမည်ဖြစ်ပြီး ၎င်းတို့ကို တိုင်းတာမှုအသစ်များဖြင့် နေ့စဉ်အလိုအလျောက် မွမ်းမံပေးမည်ဖြစ်သည်။

၄။ တိုင်းတာမှုတစ်ခုကို နှိပ်ပါ

“အတည်ပြုပိတ်ဆို့ထားသော” တိုင်းတာမှုတစ်ခုအတွက် ဥပမာ

အတည်ပြုပိတ်ဆို့ထားသော တိုင်းတာမှု

၅။ ကွန်ရက်တိုင်းတာမှု မူကြမ်းအချက်အလက်များကို ကြည့်ရှုရန် အောက်သို့ဆွဲချပါ။

တိုင်းတာမှု မူကြမ်းအချက်အလက်

အချက်အလက်များကို JSON format ဖြင့် ဒေါင်းလုဒ်လုပ်နိုင်ပါသည်။

အထက်တွင်ဖော်ပြထားသောအဆင့်များကဲ့သို့ OONI Explorer search tool ၏ အ “အခြေအနေ” အောက်ရှိ (“အတည်ပြုထားသည်” အစား) “ မူမမှန်မှုများ” ကို ရွေးချယ်ခြင်းဖြင့် အင်တာနက် ဆင်ဆာဖြတ်တောက်မှုဖြစ်ရပ်များကို သင် တွေ့ရှိနိုင်သည်။ သို့ရာတွင် အဆိုပါဖြစ်ရပ်များကို အတည်ပြုခြင်းသည် ပို၍ခက်ခဲပြီး အင်ဂျင်နီယာတစ်ဦးနှင့် တိုင်ပင်ခြင်းသည် အကောင်းဆုံးဖြစ်သည်။

ကျွန်တော်/ကျွန်မရဲ့နိုင်ငံမှာ ပိတ်ဆို့ထားတဲ့ ဝဘ်ဆိုက်များကို ဘယ်လိုရှာဖွေရပါမည်လဲ။

သင့်နိုင်ငံတွင် ပိတ်ဆို့ထားသောဝဘ်ဆိုက်များကို အောက်ပါအဆင့်များမှတဆင့် သင် ရှာဖွေနိုင်သည်

၁။ OONI Explorer သို့ ဝင်ရောက်ပါ။

၂။ (ညာဘက်အပေါ်ထောင့်)ရှိ “ရှာဖွေရန်” ကိုနှိပ်ပါ။

၃။ ဘယ်ဘက်ရှိ drop-down menu ရှိ “နိုင်ငံ” မှတဆင့် သင့်နိုင်ငံ ကိုရွေးပါ။

၄။ ဘယ်ဘက်ရှိ drop-down menu တွင် “စမ်းသပ်မှုအမည်” မှတဆင့် “Web Connectivity” ကို ရွေးပါ။

၅။ (“အခြေအနေ” အောက်တွင်) “မူမမှန်မှုများ” နှင့်/သို့မဟုတ် “အတည်ပြုထားသည်” ကို ရွေးပါ။

၆။ “ရလဒ်များ စစ်ထုတ်ရန်” ကို နှိပ်ပါ။

၎င်းတို့တွင် မရှိကို အရှိအဖြစ် ညွှန်ပြသောရလဒ်များ ပါဝင်နိုင်သောကြောင့် “မူမမှန်သော” ရလဒ်များကို သတိထား၍ အဓိပ္ပာယ်ပြန်ဆိုပါ။

စမ်းသပ်ထားသော အင်တာနက်ဝန်ဆောင်မှုပေးသူများသည် အဆိုပါ သက်ဆိုင်ရာ ဝဘ်ဆိုက်များအတွက် ပိတ်ဆို့ထားသော စာမျက်နှာများကို ဝန်ဆောင်မှုပေးမှသာ “အတည်ပြုထားသည့်” ပိတ်ဆို့မှုရလဒ်များ ထွက်ပေါ်လာပါမည်။

ကျွန်တော်/ကျွန်မသည် သက်ဆိုင်ရာဝဘ်ဆိုက်တစ်ခု ပိတ်ဆို့ခံနေရကြောင်း ဘယ်လို စစ်ဆေးနိုင်ပါသလဲ။

(twitter.com ကဲ့သို့) သက်ဆိုင်ရာဝဘ်ဆိုဒ်တစ်ခုကို ပိတ်ဆို့ထားခြင်း ရှိ၊ မရှိ အောက်ပါအဆင့်များမှတဆင့် စစ်ဆေးနိုင်ပါသည်

၁။ OONI Explorer သို့ ဝင်ရောက်ပါ။

၂။ (ညာဘက်အပေါ်ထောင့်) ရှိ “ရှာဖွေရန်” ကို နှိပ်ပါ။

၃။ ဘယ်ဘက်ရှိ “နိုင်ငံ”" drop-down menu မှတဆင့် နိုင်ငံတစ်ခုကိုရွေးချယ်ပါ။

၄။ ဘယ်ဘက်ရှိ “စမ်းသပ်မှုအမည်” drop-down menu မှ “Web Connectivity” ကို ရွေးပါ။

၅။ “Domain” နေရာတွင် ဝဘ်ဆိုက်၏ ဒိုမိန်း (ဥပမာ twitter.com) ကို ရိုက်ပါ။

၆။ (“Status” အောက်တွင်) “မူမမှန်မှုများ” နှင့်/သို့မဟုတ် “အတည်ပြုထားသည်” ကို ရွေးပါ။

၇။ “ရလဒ်များ စစ်ထုတ်ရန်” ကိုနှိပ်ပါ။

ကျွန်တော်/ကျွန်မသည် သက်ဆိုင်ရာဝဘ်ဆိုက်တစ်ခုအတွက် တိုင်းတာမှုရလာဒ်တွေကို ဘာကြောင့် မရှာဖွေနိုင်တာပါလဲ။

သင်သည် သက်ဆိုင်ရာဝဘ်ဆိုက်တစ်ခုနှင့် ဆက်စပ်သည့်ရလဒ်များကို (ယခင်အဖြေတွင် မျှဝေထားသည့် လမ်းညွှန်ချက်များကို အခြေခံ၍) ရှာဖွေပြီး မည်သည့်ရလဒ်မျှ မတွေ့လျှင် အောက်ပါအကြောင်းရင်းများထဲမှ တစ်ခုကြောင့် ဖြစ်နိုင်သည်

သက်ဆိုင်ရာဝဘ်ဆိုက်သည် သင်ရွေးချယ်ခဲ့သည့် နိုင်ငံအတွင်း မစမ်းသပ်ရသေးပါ။ နိုင်ငံတစ်ခုစီတွင် ယေဘုယျအားဖြင့် မည်သည့်ဝဘ်ဆိုဒ်များကို စမ်းသပ်ထားသည်ကို ကမ္ဘာလုံးဆိုင်ရာ နှင့် နိုင်ငံတစ်ခုချင်းအလိုက် စာရင်း (နောက်ကတစ်ခု ရှိလျှင်) တွင်ပါဝင်သော URLs များကို ပြန်လည်သုံးသပ်ခြင်းဖြင့် စစ်ဆေးနိုင်သည်။
ဒိုမိန်းကို စာရိုက်မှားသွားခြင်း။ သင်သည် ဒိုမိန်းကို စာမှားရိုက်ထည့်မိပါက (ဥပမာ၊ www.bbc.com အစား bbc.com) OONI Explorer သည် တောင်းဆိုထားသော ရလဒ်များကို တင်ပြနိုင်မည်မဟုတ်ပါ။ ဒိုမိန်း၏ ပုံစံ (၎င်းသည် HTTP သို့မဟုတ် HTTPS prefix မပါဝင်ဘဲ ဝဘ်ဆိုက်၏ အစိတ်အပိုင်းဖြစ်သည်) မည်သို့ရှိသည်ကို စစ်ဆေးရန် browser တစ်ခု (သို့မဟုတ် သင့်တည်နေရာရှိ ပိတ်ဆို့ထားသည့် ဝဘ်ဆိုက်သို့ ဝင်ရောက်လိုပါက Tor Browser) မှ ဝဘ်ဆိုက်ကို ဝင်ရောက်ကြည့်ရှုရန် အကြံပြုပါသည်။

ကျွန်တော်/ကျွန်မသည် သတ်မှတ်ချိန်တစ်ခုအတွင်း ဝဘ်ဆိုက်များ ပိတ်ဆို့ခံရခြင်းကို ဘယ်လိုစစ်ဆေးနိုင်ပါလဲ။

ရလဒ်များကို အချိန်သတ်မှတ်မှုတစ်ခုအထိ လျှော့ချရန် အောက်ပါနည်းလမ်းဖြင့် OONI Explorer ကို အသုံးပြုပါ

၁။ (ညာဘက် အပေါ်ထောင့်) ရှိ “ရှာဖွေရန်” ကိုနှိပ်ပါ။

၂။ ဘယ်ဘက်ရှိ “နိုင်ငံ” drop-down menu မှတဆင့် နိုင်ငံတစ်ခုကို ရွေးပါ။

၃။ ဘယ်ဘက်ရှိ “စမ်းသပ်မှု အမည်” drop-down menu မှတဆင့် “Web Connectivity” ကို ရွေးပါ။

၄။ “မှ” နှင့် “အထိ” calendars များမှတဆင့် ရက်စွဲများကို ရွေးခြင်းဖြင့် အချိန်ကာလကို သတ်မှတ်ပါ။

၅။ (“အခြေအနေ” အောက်တွင်) “မူမမှန်မှုများ” နှင့်/သို့မဟုတ် အတည်ပြုထားသည်” ကို ရွေးပါ ။

၆။ “ရလဒ်များ စစ်ထုတ်ရန်” ကို နှိပ်ပါ။

“အတည်ပြုထားသည်” ဆိုတာ ဘာလဲ။

ကျွန်ုပ်တို့သည် စမ်းသပ်ထားသော ရင်းမြစ်ကို ပိတ်ဆို့ထားကြောင်း လုံးဝသေချာသောအခါ၊ တိုင်းတာမှုတစ်ခုသည် ““အတည်ပြုထားသော ပိတ်ဆို့မှု”” ဖြစ်သည်။ ကျွန်ုပ်တို့၏ လက်ရှိဆန်းစစ်မှုများအရ အင်တာနက်ဝန်ဆောင်မှုပေးသူတစ်ဦးသည် ပိတ်ဆို့ထားသော စာမျက်နှာတစ်ခုကို ဝန်ဆောင်မှုပေးသောအခါ သို့မဟုတ် DNS resolution က ဆင်ဆာဖြတ်တောက်မှုတွဲလျက် IP လိပ်စာတစ်ခုကို ပြန်ပေးသည့်အခါမှသာ ၎င်းအတည်ပြုပိတ်ဆို့မှုသည် ဝဘ်ဆိုက်များတွင် စမ်းသပ်နိုင်သည်။

OONI Explorer မှတဆင့် “အတည်ပြုထားသည်” ကိုရွေးချယ်ခြင်းဖြင့် ကမ္ဘာတစ်ဝှမ်းရှိ ဝဘ်ဆိုဒ်များ၏ ပိတ်ဆို့ခြင်းကို ကျွန်ုပ်တို့ အတည်ပြုထားသည့် OONI Probe စမ်းသပ်မှုရလဒ်အားလုံးကို သင် ကြည့်ရှုနိုင်မည်။

ကျွန်တော်/ကျွန်မသည် ပိတ်ဆို့ခံထားရသော အခြားဝဘ်ဆိုက်အများအပြားကို သိရှိထားပါသည်။ သို့ရာတွင် “အတည်ပြုထားသည်” ကို ရွေးချယ်လိုက်သည့်အခါ OONI Explorer မှ အဆိုပါ ဝက်ဘ်ဆိုက်များကို အဘယ်ကြောင့် မဖော်ပြတာပါလဲ။

အောက်ပါအကြောင်းအရာအားလုံး ဖြစ်ပေါ်နေလျှင် “အတည်ပြုထားသည်” ရွေးချယ်မှုသည် ရလဒ်များ (ပိတ်ဆို့ထားသောဝဘ်ဆိုက်များ) ကို ပေးပါမည် -

ISP တစ်ခုသည် ပိတ်ဆို့ထားသောစာမျက်နှာတစ်ခုကို ဝန်ဆောင်မှုပေးခြင်းဖြင့် ဝဘ်ဆိုက်တစ်ခုကို ပိတ်ဆို့ထားသည်။ ပိတ်ဆို့ထားသောစာမျက်နှာတစ်ခု (သို့မဟုတ် “ကြည့်ရှုခွင့်မပြုသော” စာမျက်နှာ) သည် ISP က ကြည့်ရှုရန် ခွင့်မပြုထားသော ဝဘ်ဆိုက် တစ်ခုကို ဝင်ရောက်ရန်အတွက် အသုံးပြုသူတစ်ဦးက ကြိုးပမ်းရာတွင် ပြသသည့် web page တစ်ခုဖြစ်သည်။ ISP တစ်ခုသည် (မကြာခဏ ဖြစ်လေ့ရှိသည့်) ဆင်ဆာဖြတ်တောက်မှု နည်းပညာအမျိုးမျိုး ကို အသုံးပြု၍ ဝဘ်ဆိုက်တစ်ခုသို့ ဝင်ရောက်ခွင့်ကို ပိတ်ဆို့ပါက ထိုသို့သောဖြစ်ရပ်များတွင် OONI Explorer ရှိ “အတည်ပြုထားသည်” ဆိုသော ရွေးချယ်မှုအောက်တွင် ပြသလိမ့်မည်*မဟုတ် *ပါ။
ကျွန်ုပ်တို့ (OONI အဖွဲ့) သည် ထို ပိတ်ဆို့ထားသောစာမျက်နှာကို စုံစမ်းတွေ့ရှိခဲ့ပြီး ၎င်း၏ လက်ဗွေရာ (fingerprint) အား OONI database ထဲသို့ ထည့်သွင်းကာ OONI Explorer ကို မွမ်းမံခဲ့သည်။ ကျွန်ုပ်တို့မတွေ့ရှိသေးသည့် ပိတ်ဆို့ထားသောစာမျက်နှာ များစွာလည်း ရှိနိုင်‌သည်။ OONI Explorer တွင် အလံမပြထားသည့် ပိတ်ဆို့ထားသောစာမျက်နှာများကို တွေ့ရလျှင် ၎င်းတို့ကို ကျွန်ုပ်တို့နှင့် မျှဝေပါ။
စုံစမ်းလိုသော website ကို သက်ဆိုင်ရာနိုင်ငံနှင့် ၎င်းကိုပိတ်ဆို့ထားသည့် သက်ဆိုင်ရာကွန်ရက်ပေါ်တွင် OONI Probe က စမ်းသပ်ပြီးဖြစ်သည်။ (သက်ဆိုင်ရာ တိုင်းတာမှုကိုလည်း ထုတ်ပြန်ထားသည်။) အင်တာနက်ဆင်ဆာဖြတ်တောက်မှုသည် နိုင်ငံတစ်ခုအတွင်း ကွန်ရက်တစ်ခုနှင့်တစ်ခု ကွဲပြားနိုင်သည်။ website တစ်ခုကို ၎င်းအားပိတ်ဆို့ထားသည့် သက်ဆိုင်ရာနက်ကွန်ရက်ပေါ်တွင် မစမ်းသပ်လျှင်ဖြစ်စေ၊ OONI Probe အသုံးပြုသူများသည် တိုင်းတာမှုများကိုတင်ပြခြင်းမှ ရှောင်ရှားလျှင်ဖြစ်စေ၊ သက်ဆိုင်ရာဝဘ်ဆိုက်အတွက် တိုင်းတာမှုများသည် ကျွန်ုပ်တို့ထံတွင် ရှိမည်မဟုတ်ပါ။

ကျွန်ုပ်တို့သည် ကျွန်ုပ်တို့၏ ဆင်ဆာဖြတ်တောက်မှု ထောက်လှမ်းခြင်းဆိုင်ရာ ဆန်းစစ်မှုများ တိုးတက်ရေးကို အမြဲလုပ်ဆောင်နေသောကြောင့် အဆိုပါကိစ္စများသည် အချိန်နှင့်အမျှ ပြောင်းလဲသွားနိုင်သည်။ နည်းပညာဆိုင်ရာ အသိပညာများကို ထပ်မံ သိရှိလိုပါက ooni/pipeline အတွက် ကုဒ်ကို ရှာကြည့်ပါ။

ပိတ်ဆို့ထားသော စာမျက်နှာတစ်ခုကို ရောက်ရှိသည့်အခါ၊ ဆင်ဆာဖြတ်တောက်မှုကို OONI က ဘာကြောင့် အတည်ပြုတာပါလဲ။

ပိတ်ဆို့ထားသော စာမျက်နှာတစ်ခုသည် ရည်ရွယ်ထားသည့် ဝဘ်ဆိုက်ကို ရည်ရွယ်ချက်ရှိရှိ ပိတ်ဆို့ထားကြောင်း အသုံးပြုသူအား အသိပေးသည့် ဝဘ်စာမျက်နှာ တစ်ခုဖြစ်သည်။ မကြာခဏဆိုသလို၊ block page တစ်ခုသည် ပိတ်ဆို့မှုအတွက် သက်ဆိုင်ရာဥပဒေကြောင်းအရ အကြောင်းပြချက်ကိုပင် ကိုးကားဖော်ပြသည်။ ထို့ကြောင့် အင်တာနက်ဆားဗစ်ဝန်ဆောင်မှုပေးသူသည် ရည်ရွယ်ချက်ရှိရှိ ပိတ်ဆို့ခြင်းတွင် ပါဝင်မှုနှင့်ပတ်သက်၍ ပွင့်လင်းမြင်သာမှုရှိသောကြောင့် ဤစိစစ်ဖြတ်တောက်မှုပုံစံအတွက် ဒွိဟဖြစ်စရာ မရှိပါ။

အင်ဒိုနီးရှားရှိ ISP များမှ ဝန်ဆောင်မှုပေးသည့်၊ ပိတ်ဆို့ထားသော စာမျက်နှာတစ်ခုအတွက် ဥပမာ

Indonesian block page

ထို့အပြင် ပိတ်ဆို့ထားသော စာမျက်နှာများတွင် ၎င်းတို့၏ အလိုအလျောက် ထောက်လှမ်းမှုကို ဖွင့်ပေးသည့် fingerprint များ ပါသည်။ ပိတ်ဆို့ထားသော စာမျက်နှာ fingerprint တစ်ခုကို ကျွန်ုပ်တို့တွေ့ရှိပြီး ကျွန်ုပ်တို့၏ database သို့ ထည့်လိုက်သည်နှင့်တစ်ပြိုင်နက်၊ တူညီသော fingerprint ပါဝင်သည့် အခြားတိုင်းတာမှုများအားလုံးကို ရှာဖွေရာတွင် တိုင်းတာမှုများကို စကန်ဖတ်ယူနိုင်သည်။ အကျိုးဆက်အနေဖြင့် ကျွန်ုပ်တို့သည် အခြားဝဘ်ဆိုက်များစွာကို ပိတ်ဆို့ခြင်းအား အလိုအလျောက် ထောက်လှမ်းနိုင်သည်။

ပိတ်ဆို့ထားသော စာမျက်နှာများကိုကျော်လွန်၍) အခြားအင်တာနက်ဆင်ဆာဖြတ်တောက်မှုဖြစ်ရပ်များအား OONI က ဘာကြောင့် အတည်မပြုတာပါလဲ။

အခြားဆင်ဆာဖြတ်တောက်မှုများ (ဥပမာ DNS tampering သို့မဟုတ် TCP/IP blocking ကဲ့သို့) သည် သက်ဆိုင်ရာဝဘ်ဆိုက်သို့ ဝင်ရောက်ခွင့်ကို ရည်ရွယ်ချက်ရှိရှိ ပိတ်ဆို့ထားကြောင်း (ပိတ်ဆို့ထားသော စာမျက်နှာတစ်ခုဖြစ်ရပ်တွင် လုပ်ဆောင်သကဲ့သို့) သုံးစွဲသူအား ISP က ပြတ်သားစွာ အသိမပေးသောကြောင့် ဖြေရှင်းရန် ပိုမိုခက်ခဲသည်။

ထို့အပြင်၊ ထိုဖြစ်ရပ်များသည် ဆင်ဆာဖြတ်တောက်ခြင်းနှင့် တူသည်ဟု ထင်ရသောအကြောင်းရင်း များစွာရှိသော်လည်း၊ (၎င်းတို့၏ အလိုအလျောက်ထောက်လှမ်းမှုကို ပိုမိုခက်ခဲစေသဖြင့်) အမှန်တကယ်တွင် မဖြစ်နိုင်ပါ**။ ဥပမာ မတည်ငြိမ်သောကွန်ရက်တစ်ခုပေါ်တွင် လုပ်ဆောင်သည့် စမ်းသပ်မှုများသည် TCP/IP အမှားများကို ထုတ်လွှတ်နိုင်ပြီး ၎င်းတို့သည် ရည်ရွယ်ချက်ရှိရှိ TCP/IP ပိတ်ဆို့ခြင်းနှင့် သက်ဆိုင်မှုမရှိပါ။ စမ်းသပ်ထားသော ဝဘ်ဆိုက်တစ်ခုကို စိတ်မချရသော server တစ်ခုပေါ်တွင် ထားရှိခြင်း၊ သို့မဟုတ် ဝဘ်ဆိုက်ပိုင်ရှင်သည် ထိုနိုင်ငံမှ မူလထုတ်လုပ်ထားသော IP လိပ်စာများသို့ ဝင်ရောက်ခွင့်ကို ပိတ်ဆို့ထားခြင်းလည်း ဖြစ်နိုင်ပါသည်။ သို့မဟုတ် ရည်ရွယ်ချက်ရှိရှိ DNS-အခြေပြု ပိတ်ဆို့ခြင်းကြောင့်မဟုတ်ဘဲ DNS မှားယွင်းသော တွက်ချက်မှုစနစ် ၏ အကျိုးဆက်တစ်ခုအဖြစ် DNS မူမမှန်မှုများသည် ပေါ်ပေါက်လာသည်။

ထို့ကြောင့် အချက်အလက်များကို သေချာစွာစစ်ဆေးနိုင်ရန်နှင့် ၎င်း၏စမ်းသပ်မှု မအောင်မြင်ရသည့် အကြောင်းရင်းကို တိကျစွာဆုံးဖြတ်နိုင်ရန်အလို့ငှာ ဖြစ်ရပ်တစ်ခုချင်းစီကို အခြေခံ၍ တိုင်းတာမှုတစ်ခုစီကို မကြာခဏစစ်ဆေးရန် လိုအပ်ပါသည်။

ကျွန်ုပ်တို့ OONI သည် စဉ်ဆက်မပြတ်လုပ်ဆောင်နေသော ဆန်းစစ်မှုများကို တိုးတက်စေရန်နှင့် နောက်ထပ် အင်တာနက်ဆင်ဆာဖြတ်တောက်မှုပုံစံများကို အလိုအလျောက်အတည်ပြုရေးအတွက် စီစဉ်ရန် ဆက်တိုက်ဆောင်ရွက်နေသော်လည်း၊ ကွန်ရက်မူမမှန်မှုများ ဖြစ်ပွားရသည့် မရေတွက်နိုင်သော အခြားအကြောင်းရင်းများမှ ရည်ရွယ်ချက်ရှိရှိ ဆင်ဆာဖြတ်တောက်ခြင်းကိစ္စများကို အလိုအလျောက် ခွဲခြားခြင်းသည် စိန်ခေါ်မှုတစ်ရပ်ဖြစ်သည်။

“မူမမှန်မှုများ” ဆိုတာ ဘာကို ဆိုလိုတာပါလဲ။

“မူမမှန်သော” တိုင်းတာမှုတစ်ခုသည် ကွန်ရက်နှောက်ယှက်မှု၏ ဖြစ်နိုင်ခြေလက္ခဏာများ (ဥပမာ ဝဘ်ဆိုက် သို့မဟုတ် အပလီကေးရှင်းအား ပိတ်ဆို့ခြင်း၊ သို့မဟုတ် middlebox တစ်ခု ရှိနေခြင်း) ကို ဖော်ပြသောကြောင့် အလံပြထားသည့် စမ်းသပ်ခြင်းရလဒ်တစ်ခုဖြစ်သည်။

ပိတ်ဆို့ထားသော စာမျက်နှာတစ်ခုကို တွေ့ရှိသောအခါ၊ OONI သည် ထိုတိုင်းတာမှုအား “အတည်ပြုထားသည်” အဖြစ် ဖော်ပြသည်။ မူမမှန်သော အင်တာနက်ဆင်ဆာဖြတ်တောက်ခြင်း အခြားဖြစ်ရပ်များအားလုံး (DNS tampering သို့မဟုတ် TCP/IP blocking) ကို "" မူမမှန်သော "" တိုင်းတာမှုများတွင် ထည့်သွင်းထားသည်။

သို့သော် ၎င်းသည် မရှိကို အရှိအဖြစ် ညွှန်ပြသောရလဒ်တစ်ခု ဖြစ်နိုင်သောကြောင့် မူမမှန်သောတိုင်းတာမှုတစ်ခုတွင် အင်တာနက်ဆင်ဆာဖြတ်တောက်ခြင်း၏ သက်သေအထောက်အထားများ ပါဝင်ပါရန် မလိုအပ်ပါ။

အဓိကအနေဖြင့် မူမမှန်သောတိုင်းတာမှုတစ်ခုသည် ဖြစ်ပျက်နေသည့်အရာကို ဆုံးဖြတ်ရန် တစ်ခုခုမှားယွင်းနေကြောင်းနှင့် တိုင်းတာမှုအချက်အလက်များကို ကျွန်ုပ်တို့ ပိုမိုနက်ရှိုင်းစွာ ကြည့်ရှုသင့်ကြောင်း အချက်ပြသည်။

ကျွန်တော်/ကျွန်မ ဝင်ရောက်သုံးနိုင်သော ဝဘ်ဆိုက် သို့မဟုတ် အပလီကေးရှင်းတစ်ခုသည် ကျွန်တော်/ကျွန်မ၏ နိုင်ငံတွင် ပိတ်ဆို့ထားသည်ဟု OONI Explorer က ဘာကြောင့် ဖော်ပြပါသလဲ။

ထိုကဲ့သို့ဖြစ်ပေါ်ရသော အကြောင်းရင်း နှစ်ခုရှိသည်

၁။ သင့် ISP မဟုတ်ဘဲ သင့်နိုင်ငံရှိ အခြားအင်တာနက်ဝန်ဆောင်မှုပေးသူ(များ) က ဝဘ်ဆိုက် သို့မဟုတ် အပလီကေးရှင်းကို ပိတ်ဆို့ထားခြင်း ဖြစ်နိုင်သည်။

၂။ စမ်းသပ်မှုရလဒ်သည် မရှိကို အရှိအဖြစ် ညွှန်ပြသောရလဒ် ဖြစ်သည်။ အောက်ပါ မေးခွန်းနှစ်ခုနှင့် အဖြေများသည် ယင်းကို ထပ်မံဖြေရှင်းပေးထားပါသည်။

မရှိကို အရှိအဖြစ် ညွှန်ပြသောရလဒ်များ ဆိုတာ ဘာလဲ။

မရှိကို အရှိအဖြစ် ညွှန်ပြသောရလာဒ်များသည် (ဝဘ်ဆိုက် သို့မဟုတ် အပလီကေးရှင်းကို ပိတ်ဆို့ခြင်းကဲ့သို့) ကွန်ရက်နှောင့်ယှက်မှုရှိနေကြောင်း မှားယွင်းစွာညွှန်ပြသော (“မူမမှန်သော” အလံပြထားသည့်) OONI Probe စမ်းသပ်မှုရလဒ်များ ဖြစ်သည်။

ဝဘ်ဆိုဒ်များ၏ ဝင်ရောက်နိုင်မှုကို တိုင်းတာသောအခါ OONI Probe သည် ဆင်ဆာဖြတ်တောက်မှုမရှိသော ကွန်ရက်တစ်ခုမှ ရလဒ်များနှင့် သင့်ကွန်ရက်မှ ရလဒ်များကို နှိုင်းယှဉ်သည်။ ရလဒ်များ ကိုက်ညီမှုမရှိပါက စုံစမ်းလိုသော OONI Probe စမ်းသပ်မှုရလဒ်အား ကွန်ရက်နှောင့်ယှက်မှု ဖြစ်နိုင်ချေကို ညွှန်ပြသည့် “မူမမှန်မှု” အဖြစ် အလံပြထားသည်။ ဤမူမမှန်မှုအများစုသည် အမှန်တကယ် ကွန်ရက် နှောင့်ယှက်မှုဖြစ်ရပ်များဖြစ်ပြီး အချို့မှာ မရှိကို အရှိအဖြစ် ညွှန်ပြသောရလဒ်များ ဖြစ်နိုင်သည်။

မရှိကို အရှိအဖြစ် ညွှန်ပြသောရလဒ်များ ဘာကြောင့် ဖြစ်ပေါ်လာပါသလဲ။

မရှိကို အရှိအဖြစ် ညွှန်ပြသောရလဒ်များသည် အကြောင်းရင်းများစွာကြောင့် ဖြစ်ပေါ်နိုင်သည်။

အောက်ပါတို့သည် ဝဘ်ဆိုက်စမ်းသပ်ခြင်း တွင် မရှိကို အရှိအဖြစ် ညွှန်ပြသောရလဒ်များကို ဖြစ်ပေါ်စေနိုင်သည့် အကြောင်းရင်းအချို့ ဖြစ်သည်။

ကွန်ရက် ယာယီချို့ယွင်းချက်များ။ OONI Probe စမ်းသပ်မှုများကို မတည်ငြိမ်သော အင်တာနက်ကွန်ရက်တစ်ခုပေါ်တွင် လုပ်ဆောင်ပါက၊ ကွန်ရက်မှားယွင်းမှုများသည် TCP ချိတ်ဆက်မှုကို အမှန်တကယ် ကျဆင်းသွားစေနိုင် သည့်အခါ ဖြစ်နိုင်ချေရှိသည့် TCP/IP နှောင့်ယှက်မှု လက္ခဏာများကို ပြသနိုင်သည်၊ ။
မယုံကြည်ရသော ဆာဗာများ။ ဝဘ်ဆိုက်တစ်ခုသည် မယုံကြည်ရသော ဆာဗာတစ်ခုတွင် လက်ခံဆောင်ရွက်နေပါက သို့မဟုတ် ဆာဗာပြဿနာများနှင့် ကြုံတွေ့ရပါက စမ်းသပ်ထားသောဝဘ်ဆိုက်သည် (၎င်းသည် နှောက်ယှက်မခံရသော်လည်း) ကျရှုံးမှုများကို ပြန်လည်ပေးပို့ပြီး၊ စမ်းသပ်မှုသည် မအောင်မြင်ပါ။
DNS resolution. OONI Probe အသုံးပြုသူတစ်ဦး၏ DNS resolver (Google သို့မဟုတ် ၎င်းတို့၏ ပြည်တွင်း ISP ကဲ့သို့) သည် ပထဝီအနေအထားအရ အသုံးပြုသူနှင့် အနီးစပ်ဆုံးဖြစ်သော IP လိပ်စာများကို ပံ့ပိုးပေးလျှင် အဆိုပါ IP လိပ်စာသည် DNS tampering ရှိကြောင်း လွဲမှားစွာညွှန်ပြနိုင်ချေရှိသည့် ထိန်းချုပ်မှုကွန်ရက်မှ ထုတ်ပေးသော IP လိပ်စာနှင့် ကွဲပြားသွားနိုင်သည်။
ပါဝင်သောအကြောင်းအရာအား ပထဝီအနေအထားအရ ဖြန့်ဝေပေးမှု။ ဝဘ်ဆိုက် အများအပြားသည် အသုံးပြုသူချိတ်ဆက်နေသည့် နိုင်ငံပေါ်မူတည်၍ မတူညီသော အကြောင်းအရာများကို ဆောင်ရွက်ပေးပါသည်။ ဤကိစ္စများတွင် OONI Probe အသုံးပြုသူ၏ ကွန်ရက်နှင့် ထိန်းချုပ်မှုကွန်ရက်မှ HTTP တုံ့ပြန်မှုများသည် ကွဲပြားမည်ဖြစ်ပြီး HTTP အခြေပြု နှောင့်ယှက်မှုရှိနေကြောင်း မှားယွင်းစွာ ညွှန်ပြနိုင်သည်။

OONI Probe ၏ လက်ငင်းစာတိုပေးပို့ခြင်း စမ်းသပ်မှုများ (WhatsApp၊ Facebook Messenger၊ Telegram) ကို လုပ်ဆောင်စဉ် ချက်ခြင်းစာတိုပေးပို့ခြင်းအက်ပ် ရောင်းချသူသည် ကျွန်ုပ်တို့၏ စစ်သပ်မှုများ လုပ်ဆောင်နေပုံကို သက်ရောက်‌စေမည့် ၎င်းတို့၏ကွန်ရက်တည်ဆောက်မှုအား ပြောင်းလဲသောအခါ မရှိကို အရှိအဖြစ် ညွှန်ပြသောရလဒ်များ ဖြစ်ပေါ်လာနိုင်သည်။

OONI Probe ၏ ကွန်ရက်သုံးပစ္စည်း middlebox စမ်းသပ်မှုများ ကို လုပ်ဆောင်စဉ် OONI Probe နောက်ကွယ်တည်ဆောက်မှုဆိုင်ရာ ပြဿနာများကြောင့် ၎င်းတို့သည် မရှိကို အရှိအဖြစ် ညွှန်ပြသောရလဒ်များ ဖြစ်ပေါ်လာနိုင်သည်။

မည်သည့် OONI Probe စမ်းသပ်မှု ကို လုပ်ဆောင်နေသည့်အချိန်တွင် သင့်စက်ကိရိယာနှင့် ကွန်ရက်ဖွဲ့စည်းပုံစနစ်ကြောင့် ဖြစ်ပေါ်လာသော ဆော့ဖ်ဝဲပြဿနာများက မရှိကို အရှိအဖြစ်ညွှန်ပြသောရလဒ်များကို ဖြစ်ပေါ် စေနိုင်သည်။

ကျွန်တော်/ကျွန်မသည် မရှိကို အရှိအဖြစ် ညွှန်ပြသောရလာဒ်များကို ဘယ်လို ခွဲခြားသိနိုင်မလဲ။

မရှိကို အရှိအဖြစ် ညွှန်ပြသောရလဒ်များကို ခွဲခြားသိမြင်ခြင်းသည် အင်ဂျင်နီယာများ အတွက်ပင် ခက်ခဲလေ့ရှိသည်။ ထိုသို့ခွဲခြားနိုင်ရန် ကွန်ရက်တိုင်းတာမှု အချက်အလက်များကို သေချာစွာ စစ်ဆေးခြင်း၊ OONI Probe စမ်းသပ်မှုများ အလုပ်လုပ်ပုံ ကို ကောင်းစွာနားလည်ခြင်း၊ အချက်အလက်များကို အချိန်ကာလကြာရှည်စွာ ဆန်းစစ်ခြင်း၊ (စမ်းသပ်ထားသောရင်းမြစ်သည် တူညီသောကွန်ရက်ပေါ်တွင် တူညီသောမူမမှန်မှုများကို တသမတ်တည်း ပြသခြင်းရှိ၊ မရှိ စစ်ဆေးရန်) နှင့် မူမမှန်မှုဖြစ်စေနိုင်သည့် အခြားဖြစ်နိုင်သောအကြောင်းရင်းများကို အကဲဖြတ်ကာ စီရင်ဆုံးဖြတ်ခြင်း (ဥပမာ ဆိုက်တစ်ခု၏ ကမ္ဘာလုံးဆိုင်ရာ ကျရှုံးမှုနှုန်းများကို စစ်ဆေးခြင်းဖြင့်) တို့ လိုအပ်ပါသည်။

OONI မိတ်ဖက်အစီအစဥ် ၏ တစ်စိတ်တစ်ပိုင်းအနေဖြင့် ကျွန်ုပ်တို့နှင့် ပူးပေါင်းဆောင်ရွက်သည့် လူ့အခွင့်အရေး အဖွဲ့အစည်းများအား အချက်အလက်ဆန်းစစ်မှုအကူအညီများကို ပေးပါသည်။ အခြား အချက်အလက်ဆန်းစစ်သူများက လူမှုအဖွဲ့အစည်းများကို ပံ့ပိုးပေးနိုင်ရန် မျှော်လင့်လျက် OONI အချက်အလက်နှင့် နည်းစနစ်များ အားလုံးကို ပွင့်လင်းမြင်သာစွာ ရရှိနိုင်ပါသည်။

သင်သည် တိုင်းတာမှုနှင့် ၎င်းကို (ဥပမာအားဖြင့်) အစီရင်ခံခြင်း၏တစ်စိတ်တစ်ပိုင်းအဖြစ် အသုံးပြုရန်စီစဉ်ခြင်းတို့၌ သေချာမှုမရှိလျှင် (အီးမေးလ် သို့မဟုတ် Slack မှတဆင့်) ဆက်သွယ်ရန် ကျွန်ုပ်တို့ တိုက်တွန်းပါသည်။

ယေဘုယျအားဖြင့် (၎င်းတို့ကို “အတည်ပြုထားသည်”ဟု မသတ်မှတ်ထားလျှင်) ရလဒ်များကို တစ်ခုချင်းထက် အချိန်ကာလတစ်ခုပေါ်တွင် ကြည့်ရှုရန် အကြံပြုလိုသည်။ ဥပမာ စမ်းသပ်ထားသော ဝဘ်ဆိုက်တစ်ခုသည် နိုင်ငံတစ်နိုင်ငံရှိ သက်ဆိုင်ရာကွန်ရက်တစ်ခုပေါ်တွင် စမ်းသပ်သည့်အခါတိုင်း တူညီသောမူမမှန်မှု (ဥပမာ DNS tampering) ကို ဖော်ပြပါက ၎င်းဝဘ်ဆိုက်သို့ ဝင်ရောက်နိုင်မှုကို နှောင့်ယှက်ထားနိုင်ခြေ ပိုများပါသည်။ သို့သော် တိုင်းတာမှုတစ်ခုသည် (ဥပမာအားဖြင့်) TCP မူမမှန်မှုကို ဖော်ပြသော်လည်း တူညီသောကွန်ရက်တွင် ထိုဝဘ်ဆိုက်ကိုစမ်းသပ်သည့် အခြားတိုင်းတာမှုအားလုံး အောင်မြင်ပါက၊ TCP မူမမှန်မှုသည် မရှိကို အရှိအဖြစ် ညွှန်ပြသောရလဒ် ဖြစ်နိုင်ချေရှိသည်။

ကျွန်တော်/ကျွန်မသည် အခြား OONI Probe စမ်းသပ်မှုများမှ ရလဒ်များကို ဘယ်လို စစ်ဆေးနိုင်ပါသလဲ။

အခြား OONI Probe စမ်းသပ်မှုများ မှ ရလဒ်များကို ရှာဖွေရန် OONI Explorer ကို အောက်ပါအဆင့်များမှတဆင့် စစ်ထုတ်ကြည့်ရှုနိုင်သည်-

၁။ (ညာဘက်အပေါ်ထောင့်)ရှိ “ရှာဖွေရန်” ကိုနှိပ်ပါ။

၂။ ရွေးချယ်နိုင်ရန်မှာ- ဘယ်ဘက်ရှိ “နိုင်ငံ” drop-down menu မှတဆင့် နိုင်ငံတစ်ခုကို ရွေးပါ။

၃။ ဘယ်ဘက်ရှိ “စမ်းသပ်မှု အမည်” drop-down menu မှတဆင့် OONI Probe စမ်းသပ်မှုတစ်ခုကို ရွေးပါ။

၄။ ရွေးချယ်နိုင်ရန်မှာ “မူမမှန်မှုများ” ကို ရွေးပါ။

၅။ “ရလဒ်များ စစ်ထုတ်ရန်” ကိုနှိပ်ပါ။

ကျွန်တော်/ကျွန်မနိုင်ငံတွင် OONI Explorer ၏ လတ်တလောတိုင်းတာမှုများ ဘာကြောင့် မရှိတာပါလဲ။

OONI Explorer သည် စမ်းသပ်မှုများလုပ်ဆောင်ပြီး မိနစ်ပိုင်းအတွင်း၊ OONI Probe အသုံးပြုသူများ၏ စမ်းသပ်မှုရလဒ်များ (တိုင်းတာမှုများ) ကို အလိုအလျောက် ထုတ်ပြန်ပေးပါသည်။

သင့်နိုင်ငံမှ လတ်တလောတိုင်းတာမှုများ မရှိပါက၊ ဆိုလိုသည်မှာ-

သင့်နိုင်ငံတွင် မကြာသေးမီက OONI Probe စမ်းသပ်မှုများကို လုပ်ဆောင်ခဲ့ခြင်း မရှိပါ။ သို့မဟုတ်
သင့်နိုင်ငံရှိ OONI Probe အသုံးပြုသူများသည် ထုတ်ပြန်မှုအတွက် တိုင်းတာမှုများ တင်သွင်းခြင်းကို ဖယ်ရှားထားသည်။

သင့်နိုင်ငံတွင် OONI Probe အသုံးပြုခြင်း ဖြင့် တိုင်းတာမှုများကို သင် ပံ့ပိုးပေးနိုင်ပါသည်။ စမ်းသပ်မှုများကို လုပ်ဆောင်ရန် အလွယ်ကူဆုံးနည်းလမ်းမှာ Android နှင့် iOS တို့ အတွက် OONI Probe မိုဘိုင်းအကလီကေးရှင်း မှတဆင့် လုပ်ဆောင်ခြင်း ဖြစ်သည်။